Me EOS 5D Mark IV në ekstremet e Tokës

Ulla kujton: “Kjo kamerë është një tjetër hap përpara në shkrepjen me ISO të lartë. Ka një gamë ISO nga 100-32,000 (i zgjerueshëm nga 50 deri në 102,400). Kur je në mes të një vullkani shikon që ka një gamë dinamike masive në të dhe mund të jetë një makth për sensorin e kamerës të regjistrojë çdo detaj. Megjithatë, duke i parë skedat më pas në ekranin LCD të 5D Mark IV, mund të shikoja theksimet e errëta dhe të shndritshme që ishin regjistruar çuditërisht mirë. Në atë moment e kuptova se kjo ishte një kamerë e veçantë..."

NJË MARRËDHËNIE INTUITIVE

Të njohësh kamerën dhe të dish si të nxjerrësh maksimumin prej saj është diçka për të cilën shumica e fotografëve kalojnë shumë kohë në përpjekje për ta arritur. Por Eksploruesit e Canon janë një grup shumë i veçantë njerëzish dhe marrëdhëniet e tyre me inxhinierët e Canon nënkupton se aftësia për të kapur dhe përdorur një model zhvillimi pothuajse menjëherë dhe për të nxjerrë maksimumin prej tij vlerësohet shumë. Ulla nuk bën përjashtim. "E mora një ditë para se të largohesha për në Vanuatu dhe menjëherë sapo zbrita po e përdorja brenda një vullkani aktiv. Mu duk shumë e thjeshtë të kaloja nga EOS 5D Mark III në 5D Mark IV pasi trupi është njëlloj dhe kontrollet janë thuajse identike, prandaj është shumë intuitive për këdo që vjen nga një kamerë e serisë EOS 5D."

Ulla ishte shumë e shpejtë në lavdërimin e nivelit të lartë të mbrojtjes nga moti që kishte kamera, diçka që u vu menjëherë në provë nga pluhuri dhe hiri i vullkanit si edhe nga shiu e lagështia. Gominat e veçanta mbrojnë kapakët e kartës si edhe flapat prej gome mbrojnë portat HDMI, USB, të kufjes dhe mikrofonit të kamerës - tani me më shumë mbrojtje se DSLR-të të serisë 5D të mëparshme - do të thotë se seria 5D vazhdon ta bëjë këtë zgjedhjen e fotogazetarit. "Izolimi kundër motit është i mahnitshëm," kujton ajo. "Nëse mund të përballojë një vullkan në Vanuatu, atëherë mund të përballojë çdo gjë!"

"E kam përdorur të gjithë gamën gjatë gjithë jetës sime. Është sistemi perfekt për mua. Cilësia është mahnitëse dhe pesha e lehtë për fotografi eksplorimi e bën kamerën perfekte në të gjitha aspektet. Nuk doja ta ktheja mbrapsht!”

EKSPLORIM I FILMIMIT 4K

Megjithëse është kryesisht fotografe, Ulla - njëlloj si shumë prej bashkëkohësve të saj - ka investiguar mundësitë e shtimit të filmave në aftësitë e saj. Fakti që EOS 5D Mark IV mund të shkrepë në 4K e bën mundësinë për të njohur filmin edhe më tërheqës.

"Kjo është një mundësi emocionuese për të qenë fotografe kur ke një kamerë që mund të shkrepë në 4K si edhe fotografi me shumë detaje. Më pëlqen mënyra se si ke edhe një slotë për kartë ekstra në mënyrë që të vazhdosh të shkrepësh dhe të filmosh llavën në 4K ishte vërtet fantastike. Më pëlqen se si prerjet 4K në sensor nënkuptonin se nuk isha e detyruar t'i përdorja lentet e gjata për të shkrepur filma."

"Mezi po pres ta përdor këtë opsion për caktimet e ardhshme. Bërja e filmave me ekranin mahnitës Live View - i cili është tepër i mprehtë dhe i detajuar - është kaq e thjeshtë dhe bëhet vërtet me prekje të një butoni.

Madhësia absolute dhe spektakli i një vullkani aktiv tregohet këtu nga ky imazh me shpejtësi të ngadaltë të shkrehësit të llavës që del.

MBROJTJA E IMAZHIT

Të reja për EOS 5D Mark IV janë një sërë teknologjish të avancuara për përpunimin e imazhit të marra nga EOS-1D X Mark II, të ndërtuara për të dhënë rezultat maksimal të momentit që shtypet shkrehësi. Funksioni Digital Lens Optimizer, i parë më parë në softuerin Digital Photo Professional bashkohet gjithashtu nga Fine Detail Picture Style, siç është parë më parë në DSLR-të me rezolucion të lartë EOS 5DS dhe 5DS R, së bashku me ndriçimin anësor të përforcuar, funksionet e korrigjimit të shtrembërimit dhe devijimit kromatik, plus parametrat Auto White Balance. Dhe ka edhe diçka vërtet të veçantë: Dual Pixel RAW.

“Mësova gjithçka rreth Dual Pixel RAW,” kujton Ulla. "Është një teknologji interesante për mua. Për momentet ku nuk ke shumë kohë për të bërë një portret, ku fokusimi ndryshon gjithë kohës - për shembull në fotografitë e vendasve që hidhen nga hardhitë (nga ku ka dalë hedhja me litar) - ishte një shtesë vërtet e dobishme. Mbron momentin. Kamera regjistron skenën përmes dy fotodiodave të cilat i japin imazhit dy shtresa. Në fakt është diçka shumë e mirë sepse mund të korrigjosh pikën e qartësisë maksimale në procesin e përpunimit kur kërkohet kjo. Vetëm do të thotë që mprehtësia mund të kontrollohet me sukses në pas-produksion."

"Përdora edhe GPS e cila është e shkëlqyer për të regjistruar detajet e vendndodhjeve në ishuj. Madje nuk përdorte shumë bateri, dhe është një shtesë vërtet e dobishme për 5D Mark IV kur jam në ekspedita. Në fakt nuk ka një gjë të vetme në kamerë që nuk do ta përdorja. Mund të shkruaj të dhëna diçiturash në skedën e imazhit falë IPTC dhe mund të ndaj imazhet përmes WiFi në tabletin ose smartfonin tim. Opsionet e lidhjeve janë fantastike.”

“Kur njerëzit më pyesin pse duhet ta ndryshoj me modelin e ri, përgjigjja është e thjeshtë: kjo është një kamerë që mund ta rrahësh dhe përsëri do të vazhdojë të punojë.”

Ishujt që përbëjnë Vanuatu janë të pasur me festa tradicionale dhe ceremoni ritualesh.