Kujtime që mbeten: krijoni miniprintime që ia vlejnë të bëhen pjesë e albumit tuaj të dasmës

Janë çastet e vogla të haresë në dasma ato që nxjerrin dhe fotot më të bukura. E qeshura, lotët dhe trokitjet e gotave teksa brezat e ndryshëm festojnë të gjithë së bashku - shpesh me më të vegjlit që vrapojnë vërdallë me fytyrat e mbuluara me tortë. Ndonjëherë këto pamje më të vogla të ditës së madhe mund të mos kapen nga fotografët profesionistë që janë të zënë duke ndjekur planin për të krijuar pozat ideale. Por po sikur të ftuarit e dasmës të mund të shkrepnin çaste të tilla që nuk do t'i kishte parë kush tjetër?

Me kamerën-printer e njësuar në madhësi xhepi Canon Zoemini S2, shkrepja e pozave të çastit dhe e autoportreteve në dasma është më se e lehtë. Këtu tregojmë disa ide krijuese se si ju dhe të ftuarit mund ta përdorni këtë, si dhe printerin e çastit Canon Zoemini për të kuptuar e shkrepur këto çaste të vyera.

Qoftë nëse jeni në ndonjë plazh tropikal, ndonjë vilë piktoreske apo në sallën e ceremonive mbi lokalin apo restorantin tuaj, dasmat zakonisht bëhen shkas për t'u takuar me njerëz të rinj. Ndonëse mund të mendoni për lojëra të ndryshme pas ceremonisë për t'i shtyrë të ftuarit të familjarizohen me njëri-tjetrin, shkrepja e fotove së bashku mund të jetë një mënyrë natyrale dhe ekonomike që të ftuarit të thyejnë akullin mes tyre.

Një kamerë çasti në një tryezë të dedikuar pritjeje me ndonjë dekorim si p.sh. pirg shishesh shampanje, disa rekuizita të këndshme apo një libër të ftuarish mund të krijojë dhe shanset e duhura për foto dhe për nisjen e bisedave.

Vendosja e fotoprinterit dhe kamerës Canon Zoemini S2 në krah të tortës ose një libri kujtimesh mund t'i nxisë të ftuarit që të shkrepin dhe printojnë foto. Përndryshe, nëse dikush ka ruajtur një foto të mirë të shkrepur nga celulari në një çast tjetër të mëparshëm printeri Canon Zoemini mund të lidhet me Bluetooth dhe t'i japë drejtim printimeve për ju me anë të programit Canon Mini Print. Të ftuarit mund t'i vendosin mandej fotot e zgjedhura krah një mesazhi të shkruar me dorë për ju që të mos harroni të shtoni dhe një element tjetër në librin tuaj të të ftuarve.

Kur kombinoni Canon ZINK 1.3" Pre-Cut Circle Sticker Paper me Canon Zoemini, keni mundësi të nxirrni printime ngjitëse çasti nga telefoni duke përdorur programin Canon Mini Print. Shoqëria dhe familja mund thjesht të shkrepin, printojnë, shqisin e ngjisin pozat e tyre të dasmës në një album apo libër për të ftuarit.

Fotokabinat janë një mënyrë dëfryese dhe joformale për t'i nxitur të rriturit e ftuar në dasmë që të çlirohen ca, të shfaqin anën e tyre të dëlirë dhe fëmijën brenda vetes. Ato janë fantastike edhe për fëmijët, sidomos kur ka një vend ku të ndërrohen dhe që të jetë mbushur me tullumbace, punëdore letre, paruke ekstravagante, syze të mëdha e kapele të çuditshme.

Mundësitë janë të pafundme kur vjen puna te ngritja e fotokabinave - nga shkrepja e fotove përkundër një sfondi me lule deri te krijimi i një kornize të stërmadhe për foto të prerë posaçërisht që të pozojnë të ftuarit nga pas. Canon Zoemini S2 së bashku me programin Canon Mini Print mundësojnë poza grupi me një kohëmatës praktik dhe shkrehës distance, duke u mundësuar të ftuarve të krijojnë e printojnë suvenire sentimentale që do t'ju bëjnë të qeshni shumë vite më pas.

Mblidhini printimet pas ditës së dasmës dhe krijoni një kolazh për kornizë që përmbledh atmosferën e festimit. Do të jetë me siguri një paraqitje e këndshme për shtëpinë tuaj dhe një kontrast argëtues ndaj fotove më tradicionale të dasmës.

Festa e dasmës është çasti ku ndodh më shumë magji gjatë dasmave e teksa festimet shkojnë deri në orët e para të mëngjesit, të ftuarit relaksohen dhe njerëzit nga të cilët e prisnit më pak tregojnë lëvizje që i kanë ruajtur vetëm për çaste të tilla. Shpesh fotografi dhe kameramani profesionist janë larguar tashmë dhe nuk u mbetet veçse shoqërisë dhe familjes që t'i shkrepin këto çaste spontane në kamerë.

Përse të mos krijoni një pikë autoportretesh pranë pistës së vallëzimit ku të kenë mundësi të shkrepin, printojnë e ndajnë me njëri-tjetrin fotot e tyre të preferuara? Fotoprinteri Canon Zoemini S2 është ideal për këtë dhe vjen me ngjyrë bajuke, të bardhë dhe të artë trëndafili për t'iu përshtatur tematikës suaj.

Nëse kanë ende energji pas vallëzimit gjatë gjithë natës, të ftuarit mund edhe t'i personalizojnë printimet me efekte dhe korniza përmes programit Canon Mini Print. Çka është më e bukura, nëse ju mbaron letra, kamera i ruan gjithsesi fotot në kartën Micro SD për t'i printuar më vonë.

Ka perspektiva të panumërta kur vjen puna te fotot e arrira të dasmave dhe duke krijuar etiketën tuaj të veçantë me thurje për dasmën, mund t'i shfletoni të gjitha fotot e të ftuarve tuaj nga dita e veçantë duke printuar ato që dëshironi. Nëse keni ndopak dell artistik, zgjidhni fotot e preferuara nga celulari dhe përdorni fotoletrën 2x3 inçë Canon ZINK^TM me printerin Canon Zoemini për të printuar një përzgjedhje dhe madje edhe kthejini në nota falënderimi. Tërësisht rezistente ndaj njollave, ujit dhe grisjes, mund t'i ngjisni printimet tuaja në pasqyra, kapakë celularësh apo laptopë, dhe në albume letre e ditarë.

Canon Zoemini dhe Canon Zoemini S2 nuk janë vetëm për dasma ama, ato janë ideale për aktivitete të ndryshme të jetës, si p.sh. ditëlindje, diplomime, ceremoni fetare dhe çdo rast që shkrepni e printoni ju ofron një kujtim që mund ta fiksoni diku apo ta ndani me të tjerë – mund dhe të printoni kopje të ndryshme të së njëjtës foto për të ndarë një autoportret në grup me të gjithë brenda.

Të ftuarit me dell më krijues mund të shkojnë edhe ca më tej kur vjen puna te krijimi i një ekspozite fotosh çasti dhe programi Canon Mini Print mundëson shumë funksione që mund të shfrytëzohen, si p.sh. fonte zbavitëse për tekstin, korniza me stil dhe madje edhe efekte realiteti të zgjeruar (AR).

Ka dhe një funksion kolazhi inteligjent ku mund të zgjidhni tri, katër apo nëntë nga fotot tuaja të preferuara dhe programi ju ofron disa forma krijuese se si të paraqiten. Në pajtim të plotë me Canon Zoemini dhe Canon Zoemini S2 përmes Bluetooth, të ftuarit mund të shkrepin, editojnë dhe printojnë foto 2x3-inçëshe për një ekspozitë me të gjithë të ftuarit që e kanë bërë ditën tuaj vërtet të veçantë.


Shkruar nga Lorna Dockerill