Tregoni stilin tuaj: si të vizualizoni veshjet e pushimeve

Ju mund të mendoni se sa më i shkurtër pushimi, aq më e lehtë është të sistemoni valixhen, por nuk është gjithmonë kështu. Një pushim fundjave në qytet mund të jetë po aq sfidues sa një dyjavësh diku larg - madje edhe më keq nëse keni vetëm valixhe dore. Me kohë dhe hapësirë ​​të kufizuar, duhet të jeni të sigurt që keni zgjedhjet e duhura të modës për t'u ndjerë të veshur mirë lart e poshtë në udhëtimin tuaj. Sepse kur ndiheni mirë, mund të përfshiheni plotësisht në përvojën e eksplorimit të një vendi të ri.

"Stili juaj është një pasqyrim i mendësisë suaj," - thotë Bo Brown, një influencuese e modës. “Më pëlqen të kaloj mirë e të vishem për momente të paharrueshme”. Videot e përditshme të Bo-së priten me padurim nga komuniteti i ndjekësve të saj dhe kanalet e saj sociale janë një burim i pasur këshillash për stilin, duke ofruar stile e teknika nga përzgjedhja e veshjeve optimale për zyrë deri te prerja e një xhakete dhe përballja me xhinset tepër të gjera.

Bo-së i pëlqen të udhëtojë dhe së fundmi ajo ka kaluar një fundjavë në Barcelonë – "një qytet vibrant, që ka shumë për të ofruar". Sa më shumë të keni për të bërë, aq më e vështirë mund të jetë të thjeshtoni valixhen e udhëtimit, por gjithçka ka të bëjë me paraprirjen. Printeri i çastit Canon Zoemini 2 i mundësoi Bo-së të krijonte mjete ndihmëse vizuale në mënyrë që të mund të përmirësonte zgjedhjen e veshjeve. Këtu, ajo na shoqëron gjatë procesit.

Mos kërkoni vetëm fustanin e preferuar, por mendoni – mendoni vërtet – se çfarë do të bëni gjatë ditëve të pushimit. “Para se të bëj gati valixhen, shikoj aktivitetet që do të bëj dhe zgjedh veshjet si për ditën ashtu edhe për natën”, - thotë Bo. Mund të mos keni planifikuar çdo moment të fundjavës tuaj, por vendndodhja duhet t'ju japë një ide se çfarë do të bëni. A do të shëtisni nëpër muze? Do të vardiseni lokaleve? Do të eksploroni skenën e natës mbrëmjeve? Bo-së i pëlqen të shikojë videot e TikTok për të parë çfarë bëhet rrotull dhe për "të vizualizuar menjëherë se çfarë ofron një aktivitet i caktuar", - thotë ajo.

Buletinet sociale të Bo-së janë një arkiv i zgjedhjeve të saj të modës në të kaluarën, ndaj dhe kjo është pika e saj e preferuar kur mendon se çfarë të veshë. “Sa herë që zgjedh një veshje të mirë e regjistroj si frymëzim për komunitetin tim”, - thotë ajo. Edhe nëse nuk i keni të regjistruara veshjet tuaja, rikthejuni me mend asaj që më parë ka funksionuar mirë dhe shikoni influencuesit e stilit që admironi. Bo-ja rekomandon gjithashtu Pinterest si një burim të mirë frymëzimi dhe sugjeron përdorimin e Canon Zoemini 2 për të krijuar një tabelë stilesh me veshjet e pushimeve.

Mendoni për atë që duket mirë dhe ju bën të ndiheni mirë. “Kur zgjedh veshjen e duhur, ndihem e lumtur”, - pohon Bo. Pasi të ketë përmbledhur disa pamje me mendje, Bo-ja i shpalos të gjitha veshjet që mendon mbi shtrat - njërën anë për ditën, tjetrën për natën. “Kështu ka një paraqitje të qartë. Pastaj i ndaj veshjet, që të di saktësisht se cila veshje i përshtatet cilit rast”.

Pasi fotografoi disa nga opsionet e veshjeve dhe të aksesorëve të saj, Bo-ja i printoi në Canon Zoemini 2 që të mund t'i shqyrtonte zgjedhjet dhe t'i bënte bashkë. "Kam parë se cilat rroba do të funksiononin me veshje të ndryshme," - thotë ajo. “Për shembull, unë vesh komplete të plota ditën dhe natën. Pantallonat e zeza janë gjithashtu shumë fleksibël, pasi mund të vishen pothuajse në çdo rast." Aftësia për të printuar direkt nga smartfoni i saj ishte një plus për Bo-në. "Me aplikacionin Canon Mini Print mund të shtoj lehtësisht tekst ose të zmadhoj fotot," - pohon ajo. Kjo do të thoshte se ajo mund të vendoste shënime mbi imazhe, me mendimet se çfarë funksiononte mirë me të tjerat. Për më tepër, natyra praktike e aplikacionit i lejon Bo-së të zbatojë stilin e saj në printime, çka e bën atë personal.

Për udhëtimin e saj në Barcelonë, Bo-ja vendosi për tri veshje - për blerjet, për një takim dreke dhe për një xhiro me biçikletë. Ajo përshkruan veshjen e ditës së blerjeve – pantallona të gjera me një pulovër rozë të prerë Moher – si elegancë stili Casual. “Roza shkon shumë mirë me blunë. Veshja është e kompletuar me syze dielli që bien në sy dhe një çantë elegante për ekuilibër. Një veshje ideale për blerjet pasi është komode, por edhe elegante.” Pamja për drekën është e gjitha e zezë, por me tekstile plotësuese. “Me veshjet tërësisht të zeza punoj me tekstile të ndryshme për t'i shtuar më shumë dimension”, - shpjegon ajo. Për xhiron me biçikletë përdor disa nivele - thelbësore për ndryshimet në temperaturën e trupit kur jeni duke ecur me biçikletë, pasi mund të ndaloni për të parë diçka dhe mandej të niseni sërish. “Duke kombinuar këpucët e lezetshme me xhinse të gjera dhe një xhaketë sportive Oversize, kjo është një veshje e përshtatshme, por edhe me stil”.

Jo vetëm që Canon Zoemini 2 është një mjet i shkëlqyeshëm për t'ju ndihmuar të sistemoni valixhet, por është edhe shoqëruesi i përsosur i udhëtimit. Elegante, me madhësi xhepi, me jetëgjatësi baterie prej 20 fotosh, mund t'ju shoqërojë kudo që të shkoni në udhëtimin tuaj. Por vetë imazhet e planifikimit të veshjeve janë optimale për të rikthyer kujtesën dhe ju ndihmojnë të vizualizoni veshjet e plota, çka ju ndihmon të shmangni marrjen e shumë rrobave me vete pa pasur opsione konkrete.

Përdorni miniprintimet si kujtime dhe ngjitini në një album, fletore stili ose ditar, që t'u referoheni kur planifikoni udhëtimet e ardhshme - ose thjesht për të kujtuar kohën e mrekullueshme që keni kaluar.

Shkruar nga Rachel Segal Hamilton