Kthejini fotografitë tuaja në zbukurime festash me Canon SELPHY Square QX10

Krijimi i dekorimeve tuaja të Krishtlindjes mund të jetë një aktivitet argëtues për të hyrë në shpirtin e festave, një ide shumë e mirë për një dhuratë të personalizuar, një mënyrë e mirëmenduar për të marrë një pauzë nga agjenda e vrullshme e sezonit të Krishtlindjeve dhe një mënyrë e përballueshme për të ndriçuar shtëpinë tuaj për festa. "Punëdoret gjatë sezonit të festave janë si një spërkatje pluhuri magjik në shtëpinë time," thotë Duygu Turgut Gokpinar, artiste punëdoreje, krijuese përmbajtjesh dhe autore. "Qoftë krijimi i zbukurimeve për pemën, mbushja e një dhomë me flokë dëbore prej letre, krijimi i një shtëpie prej biskote apo krijimi i dhuratave për njerëzit që dua, punëdoret më ndihmojnë të futem në shpirtin e duhur."

Me origjinë nga Turqia, Duygu nisi të krijonte punëdore kur ishte fëmijë dhe pasioni i saj është kthyer në një karrierë. “Kam mësuar të thur me shtiza dhe me grep në moshë shumë të vogël falë nënës time, dhe më pas fillova të interesohesha për thurjet e varura, thurjet e kanistrave, bojërat e ujit dhe shumë fusha të tjera,” shpjegon ajo. “Punëdoret shërbejnë si një shteg krijues për mua, më lejojnë të zgjidh probleme, të mendoj në plan më të gjerë dhe të gjej lumturi në procesin e kthimit të materialeve të thjeshta në diçka të bukur. Procesi i drejtpërdrejtë më lejon të shkëputem nga stresi i jetës së përditshme, të ruaj një ndjesi të vetëdijshme dhe krijuese.”

Pas punës si mësuese dhe krijuese përmbajtjesh për tetë vite, Duygu vendosi të përmbushte ëndrrat e saj dhe themeloi studion e saj krijuese dhe prej atëherë ajo ka mbajtur më shumë se 200 seminare mbi punëdoren për entuziastë të tjerë. Në shtator të vitit 2023, ajo botoi librin e saj të dytë për qëndisjen me “punch needle”, që ka gjithashtu temë Krishtlindjeje.

Në artikullin e parë të serisë së klubit të punëdores Canon SELPHY zbuluam se si të bënim një kuti “shpërthyese”. Këtu, Duygu shpjegon si t’i kthejmë fotografitë në zbukurime për pemën e Krishtlindjes duke përdorur printerin Canon SELPHY Square QX10.

Ndiqni 10 hapat e thjeshta të Duygu-së për të krijuar zbukurimet tuaja të personalizuara të Krishtlindjeve:

1. Zgjidhni fotografitë që doni të përdorni.
2. Modifikojini me aplikacionin SELPHY Photo Layout, me të cilin mund të shtoni tekst, filtra, ngjitëse dhe më shumë te fotot tuaja në këtë fazë.
3. Shtypni butonin “print” në smartfonin tuaj ose pajisje tjetër të përputhshme dhe printoni fotografitë tuaja përmes Wi-Fi me Canon SELPHY Square QX10.
4. Krijoni një kornizë duke prerë dy pjesë fletësh acetati të tejdukshëm në madhësinë e dëshiruar (pak më të mëdha se fotografitë tuaja).
5. Vendoseni fotografinë tuaj të printuar mes copave të filmit.
6. Hekurosni filmin rreth fotos në tre skaje për t’i ngjitur bashkë.
7. Prisni 30 sekonda që korniza të ftohet.
8. Shtoni më shumë vezullim duke hedhur xixa ose temina brenda.
9. Hekurosni skajin e mbetur dhe hapni një vrimë në pjesën e sipërme.
10. Fusni një copë dege festive përmes vrimës për të varur dekorimin tuaj.

Nëse doni të shmangni plastikën, mund t’i bëni dekorimet edhe pa kornizë, duke i printuar imazhet në mënyrë që bordura për hapjen e vrimës të jetë në pjesën e sipërme, dhe duke i ngjitur xixat, fletët e arit ose teminat direkt në sipërfaqe.

“Ja ku e keni,” thotë Duygu, “fotozbukurime të mrekullueshme të personalizuara gati për t’u shfaqur në pemën tuaj!”

Duygu filloi të ndante rrugëtimin e saj të punëdores në internet para 10 vitesh, dhe si pjesë të këtij projekti, krijoi një video për të ndihmuar në ndjekjen e procesit. “Ajo që çmoj më shumë në angazhimin me ndjekësit është ndjesia e komunitetit. Është shumë shpërblyese të ndash ide, të frymëzosh të tjerët dhe të përjetosh entuziazëm kolektiv në lidhje me krijimin e punëdores,” thotë ajo.

“Puna me printerin SELPHY ka qenë revolucionare për mua,” thotë Duygu. “Personalisht, t’i shihja fotografitë e mia të ardhura në jetë me kaq qartësi dhe ngjyra të ndezura ishte një kënaqësi e pafundme. Cilësia e Canon SELPHY Square QX10 i tejkaloi pritshmëritë e mia, duke i kthyer projektet e mia të punëdores në vepra me cilësi të lartë për të cilat ndihem krenare t’i ndaj.”

SELPHY Square QX10 është i thjeshtë për t'u përdorur, thjesht shkarkojeni dhe lidheni me aplikacionin SELPHY Photo Layout falas dhe mund të printoni me valë direkt nga smartfoni juaj. “Aplikacioni është shumë i thjeshtë në përdorim,” shpjegon Duygu. “E instalova nga App Store në telefonin tim dhe më pas zgjodha një strukturë që i përshtatet dizajnit tim. Aplikacioni ofron disa opsione, si struktura kolazhesh ose shabllone të krijuara specifikisht për zbukurimet. Më pas, importova fotografitë nga galeria e telefonit tim, duke rregulluar madhësinë, pozicionin dhe orientimin e fotove që më pëlqenin. Aplikacioni ofron gjithashtu opsionin e shtimit të tekstit, ngjitësve ose elementeve të tjera dekorative. Pasi isha e kënaqur me strukturën, printova fotografitë me SELPHY Square QX10.”

Printimet e SELPHY Square QX10 kanë një jetëgjatësi deri në 100 vjet,¹ që e bën ideale për krijimin e dekorimeve që mund të dhurohen dhe sjellin lumturi për shumë Krishtlindje me radhë. “Letra e fotos XS-20L mundëson printime vibrante, të lëmuara dhe të pasura,” thotë Duygu. Falë një veshjeje të veçantë ato janë rezistente ndaj ujit, pluhurit, vajit dhe shenjave të gishtave, që do të thotë se dekorimet do të ishin të forta dhe të qëndrueshme edhe pa kornizën e tejdukshme prej filmi.

“Një nga mënyrat më të mira për të përmirësuar aftësitë tuaja të dekorit festiv është me një stil personal - dhe nuk ka asgjë më personale se sa momentet e lumtura,” thotë Duygu. “Është një mënyrë fantastike për të festuar kujtimet e preferuara të Krishtlindjeve ose momente domethënëse si fotot e adhurueshme të fëmijërisë të fëmijës suaj të parë ose një fotografi të propozimit tuaj. Gjatë Krishtlindjeve gjithashtu reflektojmë rreth kujtimeve të çmuara dhe njerëzve tanë të shtrenjtë. Mund të jetë një mënyrë për të nderuar të dashurit tanë që mund të mos jenë me ne gjatë sezonit të festave ose për të kujtuar momente të veçanta të ndara me familjen dhe miqtë.”

Duygu-t zbukurimet iu dukën të “shpejta dhe të lehta për t’u bërë”, dhe mendon se ky do të ishte një aktivitet shumë i mirë për t’u bërë së bashku për të hyrë në shpirtin e festave. “Krishtlindja është një periudhë në të cilën traditat trashëgohen te gjeneratat e reja,” reflekton ajo. “Edhe inkorporimi i fotografive në zbukurime mund të bëhet një traditë në vetvete, krijon një ndjesi vazhdimësie dhe një përfaqësim vizual të historisë së familjes.

“Dekorimet e personalizuara kanë një kuptim dhe vlerë sentimentale të veçantë,” vazhdon ajo. “Duke i personalizuar me emra, foto, ose mesazhe, mund të krijoni një dhuratë unike. Ky stil personal tregon mendimin dhe kujdesin tuaj, duke e bërë dhuratën më domethënëse.”

Duygu ndjen gëzim të pamasë në shpirtin festiv që karakterizon këtë periudhë të vitit. “Ngrohtësia, dashamirësia dhe ndjesia e bashkimit kanë një kuptim të veçantë për mua,” thotë ajo. “Teksa i afrohemi vitit të ri, jam e mbushur me emocione, duke përqafuar mundësinë për fillime të reja dhe duke reflektuar për momentet pozitive që sjell sezoni i festave.”

Duygu bën ndonjë lloj dekorimi çdo vit - në veçanti zbukurime të qëndisura, kurora të arta dhe artikuj të shndërruar për sezonin festiv. “Përdorimi i një printeri Canon SELPHY do të shpalosë një larmi mundësish për krijimin e zbukurimeve dhe dekorimeve unike dhe të personalizuara të Krishtlindjeve,” reflekton ajo. Në të ardhmen, ajo mendon se printeri mund të ishte shumë i mirë për krijimin e etiketave të personalizuara të dhuratave, për të shtuar emra, dizajne festive dhe fotografi për t’i bërë edhe më shumë speciale. Një kalendar adventesh është një ide tjetër që ajo mendon se do të funksiononte, në veçanti sepse mund të hiqni fletën e pasme dhe t’i ktheni printimet në ngjitëse: “Mund të printoni fotografi të vogla ose numra për të shënuar çdo ditë që mbetet deri për Krishtlindje dhe t’i ngjisni në një fije ose tabelë.”

Duygu i inkurajon të gjithë të krijojnë zbukurime Krishtlindjes për herë të parë që të përqafojnë procesin krijues dhe të argëtohen. “Krijimi i zbukurimeve mund të jetë një mënyrë e mrekullueshme për të shprehur stilin tuaj personal dhe shtuar një nuancë personale te dekorimet tuaja festive,” thotë ajo. “Mos harroni se argëtimi i të krijuarit zbukurime qëndron te procesi, jo vetëm te rezultati përfundimtar. Përqafoni çdo papërsosuri dhe ndjeni kënaqësinë e të krijuarit diçka unike.”

Shkruar nga Kat Halstead