Për bizneset e vogla, profesionistët e lirë, ose çdo njeri që ka një zyrë në shtëpi, menaxhimi i kostove është thelbësor. Printimi mund të mos duket si vendi më i dukshëm për të kursyer para, por mund të jetë një harxhim i kushtueshëm nëse nuk menaxhohet siç duhet. Canon ofron një gamë printerësh, mjetesh, dhe shërbimesh të projektuara për t’ju ndihmuar të kurseni pa sakrifikuar cilësinë apo efikasitetin.

Me njohuritë e Specialistit të Produktit të Canon, Zubair Rahim, vazhdoni të lexoni për të mësuar si mund të merrni kontrollin e konfigurimit të printimit dhe të kurseni para nga printimi, duke mësuar gjithashtu disa nga printerët më të mirë për bizneset e vogla, dhe këshilla për zgjedhjen e printerit të duhur.

Kur bëhet fjalë për kursimin, ose gjetjen e zgjidhjeve ekonomike të printimit, printeri që zgjidhni bën të gjithë ndryshimin.

“Gjëja e parë që duhet të merrni parasysh është buxheti juaj,” shpjegon Zubair. “Nëse po kërkoni për një kosto fillestare më të ulët, printerët me fishekë, si për shembull Seria PIXMA TR4755i ose PIXMA TS7750i nga Canon, janë një pikënisje shumë e mirë. Nëse dëshironi të investoni më shumë në fillim, modelet MegaTank, si për shembull PIXMA G1430 ose MAXIFY GX3040, janë një investim i mirë. Falë depozitave të bojës me rimbushje, këta printerë kanë kosto ndjeshëm më të ulëta të përdorimit afatgjatë.

“Për akoma më shumë efikasitet, modaliteti ekonomik, i disponueshëm në printerët MegaTank ju lejon të printoni deri në 1,5 herë më shumë faqe se sa modaliteti standard,” shton Zubair. “Kjo i bën ideale për bizneset që printojnë shumë por që duan të vazhdojnë t’i mbajnë kostot e printimit të ulëta.”

Një gjë tjetër e rëndësishme që duhet të merret parasysh është funksionaliteti. “A ju duhet një skaner ose faks, apo vetëm printer?” pyet Zubair. “Printerët me funksion të vetëm, si për shembull PIXMA TS705a ose PIXMA G1430 nga Canon, janë të përsosur për përdoruesit të cilëve nuk u duhen veçori shtesë dhe duan të kursejnë te kostot fillestare. Nga ana tjetër, modelet shumëfunksionale si MAXIFY GX7040 janë ideale për zyrat e vogla, duke qenë se kryejnë detyrat e printimit si dhe të skanimit.”

Çelësi është që të gjeni printerin e duhur për nevojat tuaja specifike, të kurseni para duke përzgjedhur modelet që kanë vetëm veçoritë që ju përshtaten, duke u siguruar që keni kapacitetin për të përballuar fluksin e punës.

Nëse po kërkoni printim efikas për zyrat në shtëpi, boja luan një rol shumë më të madh se sa mund të imagjinoni në kursimet afatgjatë. Gama MegaTank nga Canon e projektuar për printim me volum të madh kryeson këtu.

“Printerët MegaTank u përshtaten veçanërisht atyre që kanë nevojë për printim me volum të lartë. Këto modele janë projektuar për rendimente të larta të faqeve, dhe kur kombinohen me modalitetin ekonomik, ofrojnë efikasitet maksimal,” thotë Zubair. “Për shembull, disa modele mund të printojnë deri në 21 000 faqe me ngjyra nga një komplet i plotë me shishe boje në modalitetin ekonomik.”¹

Për printerët me fishekë, fishekët e bojës XL të Canon janë një mënyrë tjetër për të kursyer. “Fishekët e bojës XL kushtojnë pak më shumë në fillim, por ofrojnë më shumë faqe për fishek, duke i bërë një opsion më të mirë afatgjatë për ata që e përdorin shpesh,” shpjegon Zubair.

Pavarësisht se letra mund të mos jetë shpenzimi më i madh, përdorimi i llojit të gabuar të letrës mund të jetë një kursim i rremë dhe të mos ju lejojë të merrni rezultatet më të mira.

“Për detyra më të specializuara si për shembull printimi i fotografive ose i kartave të biznesit,” thotë Zubair, “gama e Canon për mediat krijuese, si për shembull letrat pa shkëlqim nga të dyja anët, ose letrat për fotografi, ofrojnë rezultate të shkëlqyera.”

Një nga përfitimet e përdorimit të bojës dhe letrës autentike të Canon është kombinimi i sistemeve efikase të bojës dhe të letrës së duhur. Të projektuara për të punuar së bashku, ky kombinim siguron që të jeni duke kursyer dhe përftuar rezultate me cilësi të lartë në të njëjtën kohë.

Paketa e aplikacioneve të printimit nga Canon është më shumë se sa një element praktik, ato janë një mjet i fuqishëm për menaxhimin e kostos dhe rritur produktivitetin. Duke inkorporuar veçoritë e projektuara për të kursyer kohë dhe minimizuar harxhimet, këto aplikacione sigurojnë një përvojë printimi të vazhdueshme dhe efikase.

Siç shpjegon Zubair: “Duke përdorur aplikacionet e Canon, mund të njësoni proceset e punës dhe shmangni hapat e panevojshme. Për shembull, mund të skanoni një dokument drejtpërdrejt në një skedar Google Drive™ të ndarë me të tjerët, duke e bërë menjëherë të aksesueshëm për ekipin tuaj.”

Aplikacioni Canon PRINT
Ky aplikacion është i disponueshëm për iOS dhe Android për printimin duke përdorur pajisjen tuaj inteligjente dhe aksesuar të gjitha veçoritë e tjera të printerit tuaj.

Ju lejon të monitoroni nivelet e bojës për të shmangur tepricën ose mungesën e papritur. Mund të kryeni gjithashtu detyrat e mirëmbajtjes si për shembull pastrimin e kokave të printimit të printerit tuaj, gjë që mund të përmirësojë efikasitetin. Mund të printoni edhe drejtpërdrejt nga shërbimet cloud si për shembull Google Drive™ ose Dropbox™.²

Easy-Layout Editor
Ky aplikacion ju ndihmon të konfiguroni strukturën tuaj të printimit me saktësi, duke u siguruar që të përdoren përmasat e sakta dhe efikase të letrës dhe bojës. Pavarësisht nëse kombinoni shumë skedarë në një printim të vetëm apo nëse krijoni struktura të personalizuara për prezantimet, kjo eliminon nevojën për provat e printimit.

Easy-PhotoPrint Editor
Perfekte për projektet kreative, ky aplikacion ju lejon të personalizoni printimet e fotografisë, kalendarët dhe të tjera më lehtësisht, duke siguruar që çdo printim të jetë saktësisht siç synohet.

Për ata që duan të jenë krijues, është e lehtë të dizenjohen dhe printohen materiale marketingu brenda kompanisë si për shembull Easy-PhotoPrint Editor dhe Canon PosterArtist, një aplikacion uebi pa pagesë.

“PosterArtist është si të kesh ekipin tënd të dizajnit,” thotë Zubair. “Është veçanërisht e dobishme për bizneset e vogla që duhet të krijojnë postera, meny ose broshura pa deleguar.”

Duke shfrytëzuar fuqinë e këtyre aplikacioneve, si për shembull PosterArtist, nuk jeni vetëm duke kursyer te materialet, por po kurseni kohë, që është e paçmueshme për çdo kompani. Delegimi i printimit për materialet e marketingut, fotografitë ose artikujt promocional mund të jetë e kushtueshme. Duke përdorur printerin tuaj Canon në mënyrë kreative, këto detyra mund të bëhen brenda kompanisë dhe të kurseni një shumë të konsiderueshme.

“Shumë biznese të vogla nuk e kuptojnë sa mund të marrë përsipër printeri i tyre,” vë në dukje Zubair. “Fletushka, postera, certifikata – çdo gjë. Printerët e Canon, veçanërisht modelet MegaTank dhe GX, mund të prodhojnë materiale profesionale me një fraksion të kostos së delegimit.”

Mjetet e Canon, të cilat janë të disponueshme në disa gjuhë, e bëjnë këtë edhe më të lehtë. “Me Canon PosterArtist, për shembull, mund të krijoni materiale marketingu me dizajne të mrekullueshme duke përdorur modele të personalizuara për përdoruesit e biznesit,” thotë Zubair. “Është një mënyrë shumë e mirë për të marrë rezultate profesionale pa shpenzimin e shtuar të punësimit të një dizajneri ose printeri.”

Duke menduar jashtë kornizave, mund të përfitoni më shumë nga printeri juaj dhe të reduktoni varësinë nga shërbimet e palëve të treta.

Kursimi nga printimi nuk do të thotë të bëni kompromis me cilësinë apo të hiqni dorë nga disa gjëra. Me printerët, aplikacionet dhe mjetet novatore të Canon, mund të kurseni para dhe të rrisni efikasitetin me vetëm disa ndryshime të vogla në konfigurimin tuaj.

“E gjitha qëndron te përshtatja e pajisjeve dhe burimeve tuaja me nevojat tuaja specifike,” përfundon Zubair. “Pavarësisht nëse zgjidhni një model MegaTank me kapacitet të lartë apo nëse përdorni aplikacione kreative për të projektuar materialet e marketingut, Canon ka zgjidhje për t’iu ndihmuar të kurseni dhe ta shfrytëzoni sa më mirë buxhetin tuaj.”