Qielli është kufiri me punëdoret me ngjyra ylberi

Ylberi është simbol i fuqishëm i shpresës, fatit dhe bukurisë pas një stuhie, si dhe një imazh gjithëpërfshirës i dashurisë dhe i diversitetit. Dhe kur jua zë syri ndonjë të tillë në distancë, a keni dashur ndonjëherë ta kapni e ta merrni me vete në shtëpi? Epo, tani mund ta bëni.

Punëdoret me temë ylberi mund të ndriçojnë çfarëdo ambienti duke qenë dekorime ideale për festa, si dhe për t'i bërë paraprakisht me shoqërinë tuaj. Por nuk ka pse thjesht të na dëgjoni ne, dëgjoni dhe dikë që i do të gjitha gjërat të shndritshme dhe plot ngjyra - Helen Cooke, punëdoriste me qëndrim në Britani dhe bizhuteristja pas @CraftyCooke.

“Më pëlqejnë ngjyrat. Unë kam qenë gjithmonë e festave, ndaj vishem për personalitetin tim", - thotë Helen-a. "Më pëlqen të shoh se çfarë mund të bëni me ngjyrën duke shkuar kundër rregullave. Sidomos me punëdoret, ku mund të eksperimentoni me ngjyra të ndryshme dhe të shikoni se si mund të ndryshoni personalitetin e një materiali bazuar në mënyrën se si i bëni ngjyrat bashkë."

Për të filluar do t'ju duhet një printer Canon PIXMA dhe faqja e internetit ose programi Canon Creative Park. Këtu, Helen-a shpjegon se si ka përdorur një SERIES printer të Canon PIXMA TS5350a Series, Creative Park dhe mjete punëdoreje për të sjellë në jetën magjike një erashkë me ngjyra ylberi dhe një balonë me ajër.

Ju duhet:

• Programi Canon Creative Park (ose faqja e internetit)
• Printeri Canon PIXMA, si p.sh. PIXMA TS5350a Series
• Canon Matte Photo Paper
• Vizore metalike (për të shënuar)
• Një palë gërshërë
• Thikë letre
• Ngjitëse tub
• Shtroja e prerjes

Canon Creative Park është tejet i lehtë për t'u përdorur. Mund ta shkarkoni programin në pajisjen me iOS ose Android, ose mund të shfletoni gamën e gjerë të shablloneve falas në faqen e internetit. Ka dizajne të ndryshme ylberi, si p.sh. një kartolinë 3D dhe origami. Helen-a zgjodhi një erashkë me ngjyra ylberi dhe balonë me ajër. Çdo shabllon vjen me setin e vet të udhëzimeve të printueshme dhe përcakton gjithashtu kohën e përafërt të formimit dhe nivelin e vështirësisë, si dhe llojin më të mirë të letrës.

Helen-ës i pëlqeu prakticiteti i faqes së internetit. "Udhëzimet ishin të mira dhe faqja ishte vërtet e thjeshtë për t'u përdorur", - thotë ajo. "Është e këndshme t'i kesh shabllonet të shkarkuara të gjitha në një vend."

Pas zgjedhjes së shabllonit, mund ta printoni direkt nga smartfoni, për sa kohë që keni një printer të pajtueshëm Canon PIXMA. Helen-a përdori Canon PIXMA TS5350a Series për SERIES të printuar dizajnet e saj. "Ishte vërtet e lehtë të lidheshe përmes Wi-Fi", - pohon ajo. "Cilësia e printimit është e këndshme."

Helen-a përdori Canon Matte Photo Paper dhe vuri në dukje se cilësia ishte ideale për punëdore. "Ngjyrat ishin të bukura dhe ishte në trashësinë e duhur", - shpjegon ajo. "Jo shumë e dobët, jo shumë e ngjashme me kartonin: thjesht ashtu siç duhet."

Helen-a ka përdorur një thikë punëdoreje për t'i prerë shabllonet. "Balona me ajër është tejet komplekse, ndaj është më mirë të përdorni një thikë punëdoreje", - thotë ajo. "Një palë gërshërë janë më të përshtatshme për erashkën."

Është e rëndësishme t'i shënoni shabllonet përpara se të filloni me palosjen. "Duhet ta shënosh letrën me vizore metalike, përndryshe do ta kesh shumë të vështirë t'i palosësh modelet, sidomos kur përdor letër më të trashë", - shpjegon ajo. "Thelbi qëndron te kryerja e palosjeve të rregullta. Nuk do t'ju rekomandoja ta anashkalonit këtë hap."

Pasi të shënoni letrën, përdorni një ngjitëse tub për të formuar shabllonin. Balona me ajër është një dizajn kompleks me shumë pjesë të vogla, ndaj duhet shumë durim për ta krijuar, por një pjesë e zbavitjes së punëdores është se harron gjithçka tjetër dhe përqendrohesh te projekti.

"Për mua, punëdorja është një aktivitet vëmendjeje", - thotë Helen-a. "Disa njerëz e gjejnë te librat ose sporti, por unë e kam te punëdorja. Nuk kam zgjidhje tjetër përveçse ta heq mendjen, pasi më duhet të fokusohem. Je vetëm ti në atë çast.

"Më pëlqen të shikoj diçka që formohet", - vazhdon ajo. "Fillon me të gjitha këto pjesë të vogla dhe i bën të gjitha bashkë për të krijuar një emocion, ose diçka me të cilën njerëzit mund të lidhen, ose që të pëlqen."

Kur bëhet fjalë për të shfaqur punëdoret e ylberit - qoftë në parvazin e dritares për të treguar mbështetje për komunitetin LGBTQ+ ose mes ëmbëlsirave të ylberta në tryezën tuaj - i vetmi kufi është imagjinata juaj. Helen-a e vari balonën me ajër duke përdorur një tel në dhomën e gjumit të të birit. "Është një send i vogël i hareshëm dhe shton një tufë ngjyrash në çfarëdo ambienti", - thotë ajo.

Dhe punëdoret e ylberit nuk janë të kufizuara në një përdorim të vetëm. "Mund t'i vendosësh kudo që të duash dhe mund të luash me to po ashtu; erashka në fakt rrotullohet!", - shton Helen-a.

"Ngjyra nuk ka pse të jetë vetëm për fëmijët", - vazhdon ajo. "Vetëm pse je më i rritur nuk do të thotë se duhet të ulësh tonet. Ngjyrat mund të ndikojnë në atmosferën tuaj, ndaj nëse shtoni disa në ambientin mund t'ju bëjë të ndiheni më të lumtur."

Qoftë nëse jeni duke festuar Pride, duke organizuar ndonjë festë apo aktivitet, apo thjesht dëshironi të gëzoni një buçitje ngjyrash në shtëpinë tuaj, Creative Park ka shumë krijime për të ofruar.

Nëse jeni duke kërkuar për frymëzim, na ndiqni në Pinterest dhe mos harroni t'i ndani krijimet tuaja në rrjetet sociale duke përdorur etiketën #MadeWithPIXMA.