Printoni kërkimin tuaj të thesarit me familjen, përplot me zbavitje

Nuk nuk keni nevojë të udhëtoni larg shtëpisë për një aventurë përplot me zbavitje. Fëmijëve u pëlqejnë lojërat - dhe madje edhe më shumë nëse kanë premtimin e një gostitjeje në fund. Me pak krijimtari dhe ndihmën e disa dizajneve punëdoreje nga Creative Park, printerit Canon dhe letrës dyanëshe Matte Photo Paper, mund ta krijoni me lehtësi minikërkimin tuaj në shtëpi - qoftë hartë për kërkim thesari drejt monedhave të fshehura të çokollatës apo ndonjë hartë aventurash me sfida të ndryshme rrugës.

Pasi të keni vendosur vendin e sfidës suaj, mund të printoni harta për t'i ndarë me familjen dhe shoqërinë, dhe të bëni arkat tuaja të thesarit plot me surpriza gostitëse për t'i fshehur nëpër kopsht apo dhe në parkun tuaj më të afërt. Është një opsion ideal për ditëlindje ose grumbullime shoqërore, ose dhe thjesht një mënyrë e shkëlqyer për të argëtuar fëmijët gjatë pushimeve verore. Plus, është një projekt argëtues ku mund të përfshihet e gjithë familja - dhe gjithçka mund të bëhet në shtatë hapa të lehtë.

Pasi të vendosni ku do ta zhvilloni kërkimin e thesarit, duhet duhet të krijoni një hartë të zonës. Mos u shqetësoni që ta bëni dhe shumë autentike, pasi duhet të jetë diçka e lehtë që të mund ta përdorin fëmijët. Provoni të përfshini dhe disa pika referimi që fëmijët mund t'i njohin me lehtësi - ndonjë serë në kopshtin tuaj ndoshta ose ndonjë pemë dalluese në parkun më të afërt. Sigurohuni që të shtoni dhe shumë ngjyra, që harta të duket tërheqëse.

Gjasat janë që do t'ju duhet më shumë se një hartë, sidomos nëse po i bëni me rastin e ndonjë feste. E mira është se duke përdorur një printer Canon si p.sh. Canon PIXMA TS8350 Series keni mundësinë ta kopjoni e printoni me lehtësi hartën, duke bërë sa versione të keni nevojë. Thjesht vendoseni hartën në skaner, mbusheni me letër, shtypni "Copy" në ekranin me prekje dhe ndiqni udhëzimet në ekran. Thjesht sigurohuni të caktoni Media Type të duhur në cilësimet e Print, ne kemi përdorur këtu Matte Photo Paper.

Me harta të printuara, tani është koha t'i bëni gati arkat e thesarit dhe nuk ka vend më të mirë për t'i marrë këto sesa në Creative Park nga Canon. Mund të përdorni ose një version për desktop ose t'i mbani gjërat sa më të thjeshta, përmes aplikacionit Creative Park¹ që ofrohet në App Store dhe Google Play. Me ta shkarkuar do t'ju duhet të krijoni një llogari nëse nuk keni, por është falas dhe do të përfitoni akses në qindra shabllone e ide krijuese që mund t'i printoni me printerin tuaj Canon. Për të gjetur disa arka të përshtatshme thesari, thjesht bëni një kërkim të shpejtë me "box" dhe zgjidhni sipas dëshirës! Për ta përputhur temën tonë të ditës, ne përdorëm një përzgjedhje kutish, duke përfshirë një kub me motive gjethesh dhe një dizajn me stil arke thesari.

Falë lidhjes me valë të printerëve të Canon, si p.sh. PIXMA TS8350 Series, mund t'i printoni me lehtësi shabllonet që keni zgjedhur drejtpërdrejt nga aplikacioni. Do të shikoni një ikonë printeri në fund majtas ekranit, shtypeni dhe aplikacioni Canon PRINT do t'ju orientojë në procesin e printimit, nga zgjedhja e madhësisë së letrës deri te lloji i materialit që përdorni. Pasi të mbaroni punë me hapat, aplikacioni Creative Park do t'ia dërgojë informacionin printerit me valë dhe ky do të nisë nga printimi.

Me dizajnet e arkave të thesarit të printuara tani është koha që të argëtoheni dhe t'i bëni bashkë. Do t'ju duhet t'i prisni përpara – diçka që duhet bërë nga prindi, por nëse keni gërshërë të përshtatshme për fëmijë, mund t'i lini dhe të vegjlit të ndihmojnë. Disa dizajne thjesht palosen për t'u përgatitur, ndërsa disa të tjera do të kenë nevojë për pak ngjitëse punëdoreje për t'u krijuar, por shumica kanë vetëm dy-tre palosje për të krijuar arkat. Mos harroni se aplikacioni Creative Park ka udhëzime të lehta, hap pas hapi, që mund të ndiqni.

Me arkat e thesar gati - dhe fëmijët tuaj me gjasë duke kërcyer lart e poshtë nga gëzimi - është koha t'i mbushni dhe t'i fshihni nëpër kopsht ose në parkun më të afërt, dhe të nisni gjuetinë e thesarit. Mundohuni ta bëni këtë pa ju parë fëmijët kur t'i fshihni. Sapo t'i keni vendosur të gjitha kutitë, shënoni në harta se ku mund të jetë fshehur thesari.

Merrni hartat dhe ndihmoni për t'i orientuar fëmijët nëpër shtigje teksa përpiqen të gjurmojnë arkat dhe kutitë e thesarit. Sigurohuni që që keni me vete kamerën Canon për të shkrepur pozat e paharrueshme që t'i shpërndani më vonë!

Shkruar nga Phil Hall