Udhëtoni lehtë: fotografoni natyrën me modelin kompakt PowerShot SX740 HS LITE EDITION

Një ketër që kacavaret në një degë; një dre që shikon me drojë nga mbrapa pemëve; një gushëkuq që varet nga pjata e ushqimit: fotografimi i kafshëve të egra kërkon reagime të shpejta dhe mundësinë për t'ju afruar aksionit pa trembur subjektet tuaja. Pavarësisht nëse keni dalë për shëtitje, jeni ulur në kopsht apo jashtë në terren në safari, kamera në madhësi xhepi Canon PowerShot SX740 HS LITE EDITION, me zmadhim optik 40x dhe rezolucion 4K mund t'ju çojë pranë aksionit dhe t'ju ndihmojë që të shkrepni fotografinë e përkryer.

Ja pesë arsye përse ky objektiv peshëlehtë e kompakt është ideal për raste kur udhëtoni me pak gjëra me vete.

Zmadhimi i fuqishëm optik 40x në kamerënCanon PowerShot SX740 HS LITE EDITION ju ndihmon që t'u afroheni shumë kafshëve pa i trembur, duke ju mundësuar kështu të mposhtni një prej pengesave më të mëdha të fotografimit të kafshëve të egra dhe të shkrepni nga distanca. "ZoomFraming Assist" ju ndihmon ta inkuadroni subjektin dhe teknologjia "ZoomPlus" e kamerës e dyfishon elektronikisht zmadhimin optik për të arritur një nivel prej 80-fish.

Nuk keni pse humbisni momente me kamerën kompakte, pasi mund ta merrni kudo me vete – nga pylli në fushë, nga safari në bregdet. Me thellësi më të vogël se 4 cm, kamera me peshë të lehtëCanon PowerShot SX740 HS LITE EDITION ka madhësi ideale për t'u mbajtur në xhep, në mënyrë që ta përdorni menjëherë sapo t'ju nevojitet, gati për të shkrepur shpendët grabitqarë që vërsulen nga qielli apo dhelprat urbane që fshihen në hije. Mundësitë janë të pafundme me këtë shoqërues kompakt: mund të shkrepni poza të natyrës së egër në rezolucion të lartë në çdo kohë e çdo vend.

Ekrani me kthim për lart LCD i Canon PowerShot SX740 HS LITE EDITION ju mundëson shkrepjen e autoportreteve ideale "jashtë në natyrë", sidomos kur e ndërthurni me modalitetin "Autoportret". Ekrani me anim 180-gradësh është tejet praktik, duke ju mundësuar p.sh. të shkrepni nga lartësia e ijëve pa qenë nevoja të përkuleni dhe të vijoni ta shikoni pamjen që po nxirrni.

Nëse ju pëlqen t'i ndani fotografitë tuaja me shoqërinë dhe familjen, mundësitë e lidhjes me Bluetooth dhe Wi-Fi jua lehtësojnë lidhjen e kamerës Canon PowerShot SX740 HS LITE EDITION me smartfonin tuaj. Thjesht përdorni "Auto Transfer" në aplikacionin "Canon Camera Connect" dhe brenda pak çasteve do t'i transferoni fotot në telefon apo tabletë për t'i postuar në rrjetet sociale apo për t'ua nisur të afërmve tuaj. Edhe nëse shkrepni thjesht për kënaqësinë e vetë aktivitetit, ky funksion është fantastik – duke jua bërë më se të lehtë rezervimin e fotove tuaja të fundit në kompjuter.

Nuk keni pse bëni kompromis me cilësinë e videos kur zgjidhni një model kompakt. Modeli i vogël, por i fuqishëm Canon PowerShot SX740 HS LITE EDITION shkrep video fantastike në 4K, duke kapur dhe qimet e ashpra të gëzofit të kafshëve apo vijëzimet e ndërlikuara në puplat e shpendëve. Ky rezolucion i lartë së bashku me stabilizuesin optik të figurës, mundësojnë shkrepje në cilësi të tilla edhe kur jeni duke lëvizur. Keni gjithashtu opsionet për nxjerrjen e pozave nga filmimet më vonë, ose filmimin në modalitet intervali filmik – ideal për shkrepjen e perëndimeve dramatike të diellit.

Shkruar nga Tamzin Wilks