Krijoni posterë, fletushka dhe më shumë me Canon PosterArtist

Pavarësisht nëse jeni duke reklamuar një biznes të vogël, duke organizuar aktivitet bamirësie, një takim lokal ose duke promovuar thuajse çfarëdolloj shërbimi, duhet ta përcillni mesazhin në mënyrë të qartë dhe krijuese. Me një gamë të gjerë shabllonesh, imazhesh dhe shkronjash, Canon PosterArtist ju jep të gjitha mjetet që ju nevojiten për të bërë një poster në internet falas.

Programi në internet ofron akses të shpejtë dhe të lehtë në qindra shabllone të dizajnuara në mënyrë profesionale, duke mbuluar gjithçka, nga posterët, pankartat dhe fletushkat te menytë, ftesat për festa, kalendarët, certifikatat e më tej.

Shabllonet janë të thjeshta për t'u përshtatur me tekstin dhe imazhet tuaja, madje mund të krijoni kode QR – ideale për t'u dhënë klientëve potencialë një mënyrë të thjeshtë për të mësuar më shumë rreth shërbimeve tuaja.

Canon PosterArtist është i pajtueshëm me Windows dhe macOS. Mund të identifikoheni me një llogari ekzistuese në internet, si Google, Facebook ose Twitter, ose të krijoni Canon ID tuaj të sigurt.

Nga faqja kryesore e PosterArtist, mund të zgjidhni atë që dëshironi të krijoni, ose të shfletoni nëpër shabllonet me tematikë. Kategoritë përfshijnë "Retail/Distribution", "Food and Beverage", "School/Education", "Events" etj.

Nëse jeni me nxitim, ka dhe një opsion Auto Design. Zgjidhni produktin tuaj, futni kategorinë, titullin, diçiturën dhe mesazhin, si dhe deri në tri imazhe dhe PosterArtist do të gjenerojë menjëherë një përzgjedhje opsionesh.

PosterArtist v1.1 ka shtuar disa veçori të tjera për të kursyer kohë dhe për t'i bërë proceset tuaja të punës më efikase. Ka një sërë modelesh të reja për printim të dyanshëm, kështu që një administrator restoranti, për shembull, mund të printojë lehtësisht menytë e dyanshme. Tani mund të importoni gjithashtu një fletëllogaritëse të Microsoft Excel® në shabllone, duke ju mundësuar të krijoni modele të personalizuara ose të përshtatura të të njëjtit dizajn – si p.sh. grup kuponësh, secilin me një kod unik.

Mund të shtoni imazhet tuaja nga pajisja që po përdorni, ose nga shërbimet e bazuara në renë kompjuterike, duke përfshirë Google Drive™, Dropbox™ dhe Microsoft OneDrive®. Ka dhe një opsion për kërkimin dhe shtimin e fotografive pa pagesë direkt nga një larmi arkivash fotografikë.

Ka opsione të ndryshme redaktimi të fotografive, duke përfshirë Auto Photo Fix që zbaton korrigjimin e dritës së prapme dhe të ekspozimit, si dhe mundëson rregullime manuale për korrigjimin dhe mprehtësinë e ngjyrave, ose për kalimin në bardhezi ose zbatimin e një ngjyrimi sepie.

Teksti mund të shtohet horizontalisht ose vertikalisht dhe është e lehtë të eksperimentoni me ngjyrat dhe qindra fontet e disponueshme për të marrë saktësisht stilin dhe pamjen që dëshironi. Opsionet e Clipart janë ideale për krijimin e logove me porosi.

Për ta bërë një dizajn vërtet të spikatur, ka opsione ari dhe argjendi në paletën e gjerë të ngjyrave. Ngjyrat fluoreshente janë gjithashtu të disponueshme, kur mbështeten nga printerët e formatit të madh të serisë Canon imagePROGRAF GP.

Nëse nuk jeni të kënaqur me ndonjë nga ndryshimet tuaja, është e thjeshtë t'i zhbëni/ribëni duke përdorur shigjetat prapa dhe përpara.

Kur të jeni gati për të printuar, klikoni në butonin Proceed to print - do t'ju duhet të shkarkoni dhe instaloni një modul printimi kur ta bëni për herë të parë.

Një printer rendimenti të lartë Canon MegaTank si MAXIFY GX3040 ose GX4040 do të ishte ideal për printimin e vëllimeve të mëdha të dokumenteve me cilësi të lartë. Të dy modelet mund të printojnë gjithashtu banderola me gjatësi deri në 1.2m dhe janë të pajisura me një kasetë të sheshtë të pasme për materiale deri në 0.7mm trashësi, ideale për krijimin e materialeve për pikat e shërbimit.

Printerët MAXIFY dhe PIXMA nga Canon që mbështesin printimin e bazuar në renë kompjuterike ju mundësojnë të krijoni dizajne në shtëpi ose kur punoni në distancë që mund të printohen në zyrë.

Është e lehtë ta mendosh një poster, banderolë, fletushkë apo meny si diçka thjesht fizike, por mund dhe t'i shkarkoni dizajnet për t'u përdorur në faqet e internetit dhe kanalet e rrjeteve sociale.

Modelet mund të ruhen në kompjuterin tuaj ose përditësimi i softuerit PosterArtist përfshin opsione të integruara për ruajtje në Google Drive, Dropbox dhe Microsoft OneDrive, në mënyrë që të mund t'i hapni kudo, si dhe t'i ndani me kolegët, familjen dhe miqtë.

Nga banderolat e furrave dhe menytë e hamburgerëve te shitjet verore dhe reklamat e punës, Canon PosterArtist mund të largojë stresin e krijimit të materialeve të marketingut për biznesin tuaj të vogël.