Lojërat futbolli me punëdore për t’ju frymëzuar që të qëndroni aktivë

Vera erdhi dhe natyrisht prindërit janë të etur për të gjetur aktivitete në të cilat mund të përfshihet e gjithë familja. Lojërat me punëdore që mund dhe t’i ndërtoni dhe të luani me to janë një burim i shkëlqyer argëtimi, dhe me Canon Creative Park procesi është i thjeshtë dhe ekonomik.

Creative Park është përplot me aktivitete punëdoreje falas e shumëngjyrëshe gati për t’u zbuluar dhe printuar drejt e nga printeri juaj i shtëpisë.

Blogerja, Fariba Soetan, banon në Londër me burrin e saj dhe tre fëmijë dhe drejton blogun e Mixed.Up.Mama. Këtu Fariba shpjegon se si e ka përdorur Creative Park dhe një printer Canon PIXMA TS8350 Series për një ditë të aktivitetit sportiv me familjen.

Së pari, zgjidhni disa letra të forta për të printuar lojërat tuaja. Canon Matte Photo Paper është ideale për punëdore, pasi sipërfaqja e saj pa shkëlqim e bën ideale për imazhe dhe grafikë vibrante.

“Trashësia e letrës është me të vërtetë e rëndësishme, për t’u siguruar që format e prera të jenë të forta dhe të rrinë mirë", - thotë Fariba, vajzat e së cilës janë të moshës gjashtë, tetë dhe dhjetë vjeç. Canon PIXMA TS8350 Series është ideale për këtë lloj printimi, por çfarëdo printeri PIXMA bën punë.

Fariba thotë se zgjedhja e shablloneve të lojës së futbollit mund të jetë gjithashtu një aktivitet që angazhon familjen, ku secili tregon sa kohë duhet për ta realizuar, si dhe nivelin e vështirësisë, që të mund të vendosni nëse janë të përshtatshme për fëmijët tuaj.

"Vajzat ishin me të vërtetë të ngazëllyera teksa shikonin nëpër faqen e internetit të gjitha gjërat që mund të bënin," - shton ajo. "Nëse prindërit shfletojnë me fëmijët e tyre, u duhet thjesht të shohin se kohë merr secili projekt dhe nivelin e vështirësisë.

"Ne vendosëm për lojërat me basketboll dhe hendboll, pjesërisht sepse dukeshin vërtet argëtuese, si dhe sepse mendova se niveli i vështirësisë ishte i mirë për një përpjekje të parë - për të kuptuar se si bëheshin gjërat.”

Duke përdorur aplikacionin Creative Park ose duke shkarkuar nga faqja e internetit e Creative Park drejt e në kompjuterin tuaj, mund të zgjidhni dizajnin tuaj të preferuar të letrës dhe ta printoni direkt nga printeri në shtëpi për formim përpara nisjes së ndeshjes.

Gjithçka që ju duhet është një skuadër punëdoristësh, disa gërshërë, ngjitëse, një vizore për palosjet, një stilolaps i vjetër i zakonshëm dhe udhëzimet tuaja të lojës. Pastaj vetëm ndiqni vijat e prerjes me gërshërë, palosjet dhe pikat e ngjitjes për të filluar.

Ndarja e detyrave mund të ndihmojë për t’u siguruar që të përfshihen të gjithë. "Kur printuam lojërat, ato dilnim me pamje vërtet të mirë dhe udhëzimet ishin vërtet të thjeshta,” - thotë Fariba. "Vajzat ishin të ngazëllyera që kishin mundësinë t'i prisnin vetë format dhe ishte me nivel të mirë vështirësie, pasi unë kam tre vajza të moshave të ndryshme dhe me aftësi të ndryshme në prerje. Më e ndërlikuara ishte topi, dhe aty është ku u dallua 10-vjeçarja ime. Kishte pjesë më të mëdha, për rrjetën e portës, të cilat mund t’i priste gjashtëvjeçarja ime.

"Ndihmoi gjithashtu dhe fakti që të gjithë kishim nga një detyrë që po bënim dhe ndërkohë bisedonim së bashku ndërsa i bënim. Kjo do të thotë që të gjithë mund të kontribuojnë me diçka, çka dhe i mban të gjithë të angazhuar - dhe ndalon dhe zënkat mes veti se kush po bën çfarë!”

Pas formimit është koha të filloni nga lojërat! Pse të mos organizoni një grup shokësh për të mbajtur pikët, apo dhe të bëni tabelat tuaja të rezultatit për t’i dhënë jetë kampionatit tuaj?

Creative Park është i mbushur plot me shabllonet të tjera letre ideale për punëdore dhe kampionate sportive – nga rekuizitat e kabinave fotografike dhe banderolat për të gëzuar lojtarët dhe shokët e ekipit, deri te kapelat festive dhe megafonat për të ndihmuar në krijimin e frymës së skuadrës.

Të rinjtë mund të marrin një ndjenjë të mëtejshme përmbushjeje nga luajtja me diçka që kanë bërë vetë, ndërsa fitojnë edhe aftësi të dobishme praktike. "Vajzave u pëlqen vërtet të pikturojnë, ngjisin dhe ngjyrosin, kështu që përfitimi i mëtejshëm i pasjes së diçkaje me të cilën mund të luajnë më pas ishte fantastik", - thotë Fariba. "Ka shumë të mira: prerja, natyrisht, për aftësitë motorike, dhe thjesht fakti që ke mundësi të shikosh diçka të krijohet ndihmon shumë në vetëbesimin e tyre.

"Më e madhja e vajzave u gëzua që arriti të krijonte një send aq të ndërlikuar në 3D si topi duke e prerë dhe formuar vetë. Ajo u zbavit shumë duke e hedhur pastaj në portë.

Nëse po e bëni punëdoren për fundjavë ose për festat e shkollës, një ide e mirë do të ishte ta çonit deri në fund projektin tuaj duke futur dhe elemente si ushqimet e lehta në pushim të ndeshjeve ose ndonjë trofe letre për fituesin. Madje pse dhe të mos e dokumentoni argëtimin tuaj atë ditë duke shkrepur foto e duke luajtur së bashku.

Dhe për ata anëtarë të familjes duan të jenë edhe më krijues, do të ishte një ide zbavitëse t’i personalizonit format e prera të letrës, sidomos nëse doni t’i ruani pas ditës së aktivitetit.

"Shënjestra e topit të futbollit është ende në murin tonë", - thotë Fariba. "Herë pas here vajzat gjejnë topat dhe bëjnë një lojë të rastit. Portieri në lojën e futbollit është një siluetë, por fëmijët mund të vizatojnë një fytyrë në vend të saj apo dhe të presin veshje të ndryshme. Ka shumë gjëra që mund të bëni".

Nëse familja juaj ka nevojë për një frymëzim krijues me punëdoret ose është thjesht e gatshme të bëjë diçka për t’u larguar nga ekranet, ka një larmi të madhe shabllonesh argëtuese nga Creative Park që presin të zbulohen dhe formohen nga ju.

Shkruar nga Lorna Dockerill