Sfida 1 e punëdores: dekori pranveror

Ejani me ne në sfidën e parë të serisë sonë sezonale të punëdores, ndërsa u kërkojmë punëdoristëve dhe familjeve të jenë krijues me punëdoret për të festuar raste gjatë gjithë vitit.

Në sfidën tonë të parë, stilistja dhe amatorja e punëdores, Hannah Bullivant, së bashku me fëmijët e saj, Frankie dhe Auden, përdorën shabllone nga Creative Park i Canon si bazë për një shfaqje sezonale për të festuar fillimin e pranverës.

Qoftë lulet që sapo kanë nisur të çelin, apo qengja që gëzojnë fushave, apo lepuj çokollate për t'u shijuar, të gjithë e mirëpresin fillimin e pranverës. Bërja e dekoreve tuaja pranverore nuk është vetëm një mënyrë ekonomike për t'i dhënë hare shtëpisë, por mund dhe t'i ricikloni shabllonet e letrës më pas ose t'i ruani për raste të tjera në të ardhmen.

• Programi Creative Park (ose faqja e internetit).
• Printeri PIXMA Canon, si p.sh. PIXMA TS5350a Series.
• Canon Matte Photo Paper
• Gërshërë
• Vizore (për palosjen)
• Ngjitëse me tubetë/ngjitëse me pistoletë/pika ngjitëse

Gama e shablloneve në Creative Park mundëson disa modele të përshtatshme për të vegjlit, si dhe modele më komplekse për të rriturit, çka do të thotë se mund të marrin pjesë të gjithë. "Ka kaq shumë projekte në dispozicion për raste dhe festime nga më të ndryshmet," - thotë Hannah. “Më pëlqen që disa janë mjaft të thjeshta dhe disa janë më komplekse. Nëse dëshironi, mund të kaloni ditë të tëra duke punuar, por ka edhe shabllone më të lehta, si p.sh. kurora, që janë vërtet të thjeshta."

Hannah zgjodhi të bënte lule 3D, lule më të mëdha nga një varg dekorativ, bletë dhe një set Pashke, si dhe një shportë dhe vezë. Ajo zgjodhi gjithashtu një shabllon lepuri për t'u përshtatur me temën sezonale.

Lulet e e punëdoroes mund të ndriçojnë shtëpinë tuaj pavarësisht nga stina. Një gonxhe e sapokëputur do t'i sjellë ngjyra shtëpisë për pak ditë, por një e sapoprintuar do të zgjasë shumë më shumë. Do të gjeni një lule të thjeshtë e të shndritshme punëdoreje gerbera në rubrikën Plants të Creative Park së bashku me shumë larmi të tjera florale si p.sh. tulipan, zambak dhe luledielli saqë madje mund të bëni dhe një buqetë me lule letre pranverore.

Mund gjithashtu t'i personalizoni shabllonet, duke u shtuar pika boje te vezët, për shembull, apo edhe duke rregulluar veshët në shabllonin e lepurit përpara se t'i ngjitni për të krijuar një sërë lepujsh unikë. Përdorini dizajnet si pikënisje dhe më pas lini imagjinatën të bëjë pjesën tjetër.

Pasi të keni zgjedhur shabllonet, mund të printoni direkt nga smartfoni duke përdorur programin Creative Park.

Kur të keni printuar dhe prerë të gjitha shabllonet, është mirë t'i vizatoni vijat me një vizore përpara se t'i palosni dhe ngjitni. Kjo do t'i japë shabllonit tuaj një formë më të mirë kur të përfundojë.

Pasi të jetë prerë e palosur gjithçka, është koha për të filluar ngjitjen. Për dizajne më të çuditshme, mund të përdorni një pistoletë ngjitëse, por ngjitëset me pika apo edhe shkop bëjnë punë më së miri. Një kruese dhëmbësh e zhytur në ngjitës mund të jetë e dobishme për pjesët më të vogla. Sigurohuni që ngjitësja të jetë tharë përpara se të bëni bashkë pjesët e dizajnit.

"Krijimi kërkon kohë, por është tejet meditues kur i hyni punës," - thotë Hannah. “Gëzojeni si proces. Ky nuk është një aktivitet që përfundon shpejt, por diçka që kërkon pak më shumë kohë. Zgjidhni një libër audio apo transmetim që ju pëlqen, merreni shtruar dhe shijoni krijimtarinë."

Çdo dizajn i Creative Park ka një vlerësim me yje që përcakton nivelin e vështirësisë, ndaj nëse jeni ende i ri me punëdoret apo keni më pak kohë për projektin, mund të zgjidhni një shabllon tjetër.

Hannah vendosi ta dekorojë tryezën pranverore me një kombinim modelesh punëdoreje, vazo me luleverdha dhe tulipan, simite të nxehtë festie dhe vezë çokollate, por ju mund ta shfaqni dekorin tuaj si të doni. Pse të mos provoni të bëni bashkë lule ose flutura në kornizën e dritares së kuzhinës me stuko ngjitëse, apo të hapni vrima në modelet tuaja për të kaluar një fije spangoje për një kurorë pranverore. Ose mund të filloni me dekorimet e shtëpisë me temën e fluturave.

Pas banketit të çajit, Hannah dhe fëmijët vendosën t'i ruanin disa nga shabllonet, si p.sh. lepujt e vegjël, por pjesën tjetër i ricikluan. "Unë gjithmonë përpiqem të minimizoj mbetjet plastike për ditëlindje dhe aktivitete, ndaj që patjetër do t'u hidhja sërish një sy projekteve të Creative Park," - thotë ajo.

Hannah thotë se do të ketë në mendje sfidën e ardhshme të punëdores, me temë rreth një pikniku veror, pasi është gjithmonë në kërkim të ideve të punëdores dhe të projekteve krijuese për t'i mbajtur fëmijët të zënë gjatë pushimeve të shkollës.

Për më shumë frymëzim, shikoni faqen tonë në Pinterest dhe ndani krijimet tuaja të dekorit pranveror duke përdorur etiketën #MadeWithPixma.