Si të bëni një histori në video

Pavarësisht nëse jeni një dokumentarist aventurier, videobloger produktesh apo kuzhinier i rrjeteve sociale, është e rëndësishme të dini se si të bëni një histori në video. Krijimi i filmit sillet rreth ndërtimit të një narrative, pavarësisht nëse destinacioni është TikTok apo ekrani i madh.

Pra, si të krijoni një histori video bindëse? Së pari ju duhet një çantë që mund të përputhet me krijimtarinë tuaj. Kamerat EOS R System të Canon janë projektuar duke pasur parasysh regjisorët e sotëm fleksibël. Canon EOS R50, për shembull, është i lehtë në peshë dhe manovrim, por vjen me regjistrim të mbimoduluar në 4K, si dhe një sërë veçorish profesionale videoje për t'ju ndihmuar të krijoni përmbajtje me cilësi të lartë, duke përfshirë regjistrimin e ngadalësuar deri në 120fps, ekranin rrotullues me prekje dhe vetëfokusim inteligjent Dual Pixel CMOS AF II.

Megjithatë, cilësia dhe profesionalizmi i videove tuaja varen gjithashtu nga aftësitë dhe teknikat e duhura. Ja 10 këshilla për të krijuar një histori video tërheqëse nga fillimi në fund.

1. Planifikoni xhirimin
2. Përcaktoni skenën
3. Mbajini gjërat të qëndrueshme
4. Përqendrohuni në detaje
5. Eksperimentoni me këndvështrime të ndryshme
6. Rimendojeni kompozimin
7. Luani me shpejtësinë dhe kohën
8. Regjistroni audio më të qartë
9. Krijoni suspansë
10. Argëtohuni, por qëndroni të fokusuar

Planifikimi i xhirimit siguron që të kapni të gjitha pamjet e nevojshme. Mbani shënime për atë që dëshironi të tregoni dhe si t'i qaseni ose përpiloni një përshkrim të përafërt - kjo ju organizon shkrepjen në mendje përpara se ta realizoni.

Ndihmon gjithashtu të kini parasysh se si dëshironi të duket dhe ndihet videoja juaj. Një kamerë Canon si EOS R50 vjen me një sërë profilesh krijuese ngjyrash për estetikë të bukur. Eksperimentoni me këto cilësime përpara se të vendosni për atmosferën që dëshironi për filmin tuaj.

Është gjithashtu e rëndësishme të përgatisni pajisjen përpara xhirimit: karikoni bateritë, pastroni objektivin dhe formatoni kartat e memories.

Së fundi, sigurohuni që smartfoni ose tableta të jetë e lidhur me programin Canon Camera Connect – kjo ju mundëson të rregulloni cilësimet nga distanca dhe ta transferoni shpejt videon nga kamera.

Kur shkrepni në vend, vendosni kontekstin me pamje të gjera të rrethinës. Kombinojini këto me detaje dhe plane tejet nga afër të mjedisit. Lëvizni përreth vendndodhjes dhe shmangni shkrepjet nga i njëjti pozicion. Përpiquni të kapni të paktën 10 sekonda për çdo fragment për përcaktimin e pozave, të cilat më pas mund t'i shkurtoni sipas dëshirës tuaj gjatë montazhit.

Nëse jeni duke filmuar njerëz të tjerë, paraqitni personazhet kryesore duke treguar detaje se ku janë dhe çfarë bëjnë. Kapni fragmente të ndryshme të subjekteve në veprim dhe provoni kompozime dhe stile të pazakonta ndriçimi.

Për të shmangur pamjet e lëkundura dhe për të siguruar që filmat tuaj të duken profesionalë, është e rëndësishme t'i mbështetni kamerën dhe objektivin. Mbajeni kamerën me të dyja duart dhe futeni në bërryla.

Për pamje më të qëndrueshme video dorazi, Canon EOS R7 vjen me fotostabilizim të integruar (IBIS) me zhvendosje sensorësh, i cili mund të japë deri në 8 ndalesa kompensimi nga lëvizja e kamerës, në varësi të objektivit të përdorur. Canon EOS R50 ka gjithashtu teknologji të integruar për të minimizuar dridhjet e kamerës gjatë filmimit. Movie Digital IS - i ilustruar në videon e mësipërme - siguron që filmimi i kryer dorazi të mbetet i qetë dhe i mprehtë.

Kini parasysh dhe përdorimin e një objektivi me stabilizim të brendshëm, si p.sh. Canon RF-S 18-150mm F3.5-6.3 IS STM. Ky objektiv zmadhues me kosto ekonomike përmban IS optik me 4.5 nivele për t'i mbajtur të mprehta shkrepjet dorazi, si dhe një gamë të gjerë zmadhimi për shkrepjen e një sërë pozash.

Izolimi i sendeve të caktuara me plane të afërta rrit interesin. Objektivat zmadhues RF dhe RF-S të Canon mund t'ju ndihmojnë të afroheni sa më shumë që të jetë e mundur për t'i bërë subjektet më të mëdha në kuadër, duke i izoluar artistikisht nga sfondi i tyre.

Mund të përdorni gjithashtu makroobjektiv fiks si Canon RF 35mm F1.8 MACRO IS STM, i cili ju mundëson të përqendroheni në çdo detaj, edhe në distanca të shkurtra. Makroobjektivi me fokusim të ngushtë është veçanërisht i dobishëm për përmbajtje produktesh, ushqimesh apo estetike, pasi shikuesit do të duan të shohin detaje komplekse.

EOS R50 vjen me korrigjim të frymëmarrjes gjatë fokusit, e demonstruar në videon e mësipërme, çka ruan këndin e shikimit ndërsa ndryshon fokusin, duke siguruar që vëmendja të mbetet aty ku dëshironi dhe duke dhënë një pamje më natyrale dhe profesionale.

Regjistrojini subjektet nga kënde të pazakonta për ta bërë videon tuaj më dinamike. Jo të gjitha pozat funksionojnë, por nuk keni si ta dini nëse nuk i provoni. Ndryshoni këndvështrimin duke dalë mbi subjektin dhe duke shkrepur për poshtë ose uluni përtokë e shkrepni për lart.

Ndryshimi i këndvështrimit ndihmon gjithashtu me narracionin, për shembull, shkrepja nga një kënd i ulët mund të ndihmojë për të përçuar se personi në foto ka fuqi ose dominim mbi shikuesin.

Gjithashtu mund të ndryshoni këndvështrimin duke përdorur objektivat. Nëse shkrepni përtej subjektit në plan të parë, zgjidhni një pikë të caktuar fokusi për ta mbajtur sfondin të mprehtë e duke futur një farë turbullimi kinematografik të planit të parë. Këtë mund ta bëni duke ngushtuar aperturën. Objektivi RF me aperturë maksimale të gjerë, si p.sh. Canon RF 50mm F1.8 STM, jep një rreze qartësie tepër të ulët dhe turbullim të butë, për një efekt kinematografik.

Mendoni se si t’i poziciononi më mirë elementet në kuadër. Në përgjithësi, qasjet e provuara të kompozimit, si rregulli i të tretave dhe vijat orientuese funksionojnë mirë. Sidoqoftë, sigurohuni që të provoni edhe këndvështrime të tjera. Për shembull, duke përdorur simetrinë për të krijuar poza alternative. Kjo mund të jetë aq e thjeshtë sa të bësh një hap majtas ose djathtas, duke e ripozicionuar kamerën lart ose më poshtë, duke u ulur ose duke u shtrirë.

Nëse gjeni një kompozim të caktuar që funksionon për subjektin tuaj, rafinojeni dhe bëjeni tuajin për t'i dhënë pamjes një stil të veçantë. Shumë kineastë kanë fituar emër për stilin e tyre të kompozimit, kështu që ia vlen të eksperimentoni me rregulla të ndryshme - dhe se si mund t'i shkelni - për të përcjellë atmosferën e filmit dhe stilin tuaj personal.

Prerjet skenike janë të dobishme për t'i dhënë ritëm videos. Shkrepni sekuenca të ngjashme nga i njëjti kënd, pastaj kaloni në pjesë të ndryshme të secilës sekuencë, për të kaluar nga njëri çast në tjetrin.

Një mënyrë e mirë për të filmuar aksionin është regjistrimi me shpejtësi të lartë kuadrosh. Filmimi në Full HD me 120fps tek EOS R50 ju mundëson të krijoni efekte me lëvizje super të ngadalëta, duke shkrepur çdo moment, kur e luani fragmentin sërish me shpejtësi normale.

Mund të provoni gjithashtu të angazhoni shikuesin me një sekuencë kalimi kohe për t'i ngjeshur veprimet me ritëm të ngadaltë në fragmente më të shkurtra, ose të krijoni video stil Haiku.

Cilësia e zërit është po aq e rëndësishme sa fotografia, duke përmirësuar historinë tuaj të videos duke ofruar kontekst dhe duke krijuar atmosferë. Shumica e kamerave kanë një mikrofon të integruar që mund të regjistrojë zërin, por do të arrini audio më të mirë duke përdorur një mikrofon të jashtëm, si p.sh. Canon Stereo Microphone DM-E1 ose Stereo Microphone DM-E100.

Çiftimi i kamerës me një objektiv Canon STM, si p.sh. Canon RF 15-30mm F4.5-6.3 IS STM, është një zgjedhje e shkëlqyer kur jeni duke regjistruar audio, sepse motori STM (stepper) ofron lëvizje të qetë dhe të shtruar fokusimi.

Është e rëndësishme të përfshini elemente të tensionit vizual, veçanërisht kur videoja arrin në finale. Bëjeni këtë me një larmi pozash, planesh ekstreme të afërta dhe pozash për së gjeri. Riinkuadrimi i kamerës nga një subjekt neutral në skenën kryesore fundore është një mënyrë e mirë për ta kaluar videon në këtë fazë finale.

Mbajini pozat të shkurtra për të krijuar suspansë. Mos harroni se mund ta shkurtoni gjithsesi fragmentin e gjatë, ndaj përpiquni të shkrepni ca sekonda filmimi rezervë përpara dhe pas përmbajtjes që kërkoni.

Ndonëse është një ide e mirë të filmoni pak më shumë se sa keni nevojë, është e lehtë të harroheni dhe ta shkelni me kohën, ndaj përpiquni të qëndroni objektivë dhe të keni një qëllim. Do ta falënderoni veten më vonë gjatë montazhit pasi nuk do t'ju duhet të kaloni nëpër shumë pamje të panevojshme.

Fundja, argëtohuni duke bërë videot tuaja dhe kini parasysh se ndonjëherë gjërat nuk funksionojnë siç keni planifikuar, por gjithmonë do të mësoni shumë nga këto situata. Historia juaj ka një pjesë të personalitetit tuaj në të, ndaj argëtohuni gjatë xhirimeve.