Listat, planet dhe qëllimet: organizohuni me printim

Organizimi është një nga vendimet e zakonshme të Vitit të Ri, por ka shumëçka për të fituar nga caktimi i strategjive për të marrë në dorë jetën tonë gjatë vitit në vijim. Nuk ka të bëjë vetëm me planifikuesit e përditshëm – me pak mendim krijues, është e mundur të shfrytëzohet fuqia e printimit për të krijuar të gjitha llojet e materialeve për t'ju ndihmuar në menaxhimin e sfidave të shumta të jetës. 

Kjo mund të jetë aq e thjeshtë sa listat e blerjeve ose planet e vakteve për t'ju ndihmuar të mbani mend gjithçka që ju nevojitet në supermarket, ose një ditar mirënjohjeje që ju mundëson të mbani një shënim të të gjitha gjërave për të cilat jeni mirënjohës. Ose ndoshta një regjistër humori, që të shikoni se çfarë mund të jetë që ndikon për mbi shëndetin tuaj mendor. 

Cilido qoftë qëllimi, gama e printerëve PIXMA të Canon mund t'ju ndihmojë të përmirësoni aftësitë tuaja organizative dhe të bëheni krijues në këtë proces.

Krijimi i listave, planeve dhe qëllimeve mund të jetë shumë më tepër sesa thjesht një shkrim i shpejtë i gjërave dhe kontrollimi i tyre. Me qëndrim në Portsmouth, Britani, Temi Manning u dha pas mbajtjes së ditarëve si ndihmesë në menaxhimin e shëndetit të vet mendor dhe ka krijuar një audiencë mbresëlënëse sociale duke ndarë ditarët e saj të listimit. "Ishte një mënyrë për të qenë më e vetëdijshme dhe gjithashtu për të bërë diçka që më pëlqen, ndërkohë që hedh mendimet e mia gumëzhitëse në letër," - shpjegon ajo. Ditarët e listimit janë një mjet për të mbajtur shënim të gjitha qëllimet dhe arritjet e jetës, nga ushtrimet që keni bërë dhe ushqimi që keni ngrënë, deri te librat që dëshironi të lexoni apo filmat që dëshironi të shikoni.

Për Temi-n, ditari dhe planifikimi tani janë një mënyrë jetese dhe ajo ka zbuluar se krijimi i ditarit ose i planifikuesit tuaj dhe hartimi i çdo gjëje që dëshironi të arrini, mund t'i bëjë qëllimet tuaja të duken më pak të frikshme. "Unë nuk do të funksionoja aq mirë pa të," - thotë ajo. "Është e rëndësishme sepse më motivon, më mban të organizuar dhe më pëlqen të jem e ndërgjegjshme në krijmtari, duke bërë faqe dhe konfigurime të bukura, ndërsa frymëzoj të tjerët të bëjnë të njëjtën gjë."

Këtu, ajo ndan këshillat dhe teknikat e saj se si mund të bëheni më efikasë dhe krijues duke përdorur printimin.

Temi shpesh i personalizon ditarët e saj dhe shënimet e afirmimit me ilustrime të vizatuara me dorë, por ju mund të kërkoni edhe për dizajne të gatshme, të cilat më pas mund t'i printoni dhe shtoni në faqet tuaja. Një mënyrë e thjeshtë për të shfaqur stilin tuaj krijues personal, siç sugjerohet nga Temi, është të zgjidhni një temë për çdo muaj. Mund të jenë modele vibrante, ngjyra specifike ose një temë me subjekt, siç është tema e Temit për kafe/vjeshtë për tetorin. "Unë i përdor këto si dekorim në çdo faqe dhe kaloj një mbrëmje duke i vendosur për javën në vazhdim," - thotë ajo.

Ka shabllone, modele dhe dizajne të panumërta të shkarkueshme në faqen e internetit të Creative Park dhe programin Creative Park, të cilat mund të printohen në madhësi të ndryshme në lloje të ndryshme letre të pajtueshme me printerët PIXMA. Është e mundur të shtoni bordura për t'u dhënë dritë planeve tuaja të vakteve, ndërkohë që letrat me motive shumëngjyrëshe bëjnë më së miri për kalendarë shtëpiakë që bien në sy. Nëse provoni diçka dhe nuk ju pëlqen, është e lehtë ta ricikloni modelin e vjetër dhe të filloni nga e para.

"Me Creative Park mund të kërkoj nga një bibliotekë e gjerë dizajnesh të gatshme dhe t'i shkarkoj shpejt këto drejt e për printim përmes programit Canon PRINT ose drejtpërdrejt duke përdorur programin Creative Park," - shpjegon Temi. “U apasionova me setin e murit stil kafeneje – më pëlqen dizajni i guximshëm, modern dhe shumëllojshmëria e ilustrimeve. Kam përdorur gjithashtu modelet me kafaze shpendësh të Parisit për të dekoruar kuzhinën time."

Opsioni i skanimit në serinë PIXMA TS7450a Series është fantastik për dublikimin e faqeve, që të mos ju duhet të krijoni formate të reja çdo ditë nëse nuk keni kohë. Gjithashtu mund ta përdorni këtë veçori për të krijuar kopje të dizajneve dhe të ilustrimeve tuaja, të cilat më pas mund t'i printoni variante të shumta për t'i shtuar në projektet tuaja.

Me ndihmën e programit Canon PRINT, është gjithashtu e mundur të printoni dizajne drejtpërdrejt nga smartfoni madhësitë, konfigurimin dhe llojin e letrës që dëshironi. Ndërsa modelet e Temi-t janë printuar kryesisht në Canon Matte Photo Paper, Canon Magnetic Photo Paper është ideale për ngjitjen e listave në sipërfaqet tuaja magnetike në shtëpi.

E bukura e bërjes së ditarëve në shtëpi me produkte si Canon PIXMA TS7450a Series është se çdokush mund ta provojë dorën me to. "Mundësia e printimit të gjithë këtyre dizajneve është e mrekullueshme nëse dëshiron të kursesh kohë dhe të pëlqen krijimtaria me një bibliotekë shkarkimesh në dispozicion", - thotë Temi.

Ajo sugjeron gjithashtu se mënyra më e mirë për t'u përkushtuar ndaj planeve tuaja është ta ktheni organizimin në rutinë. “Unë i krijoj faqet e ditarit tim me ilustrimet dhe dizajnet e mia çdo të diel në mbrëmje, gati për javën në vazhdim. Bëj një filxhan çaj, relaksohem në tryezën time dhe shijoj procesin”.

Ndryshe nga planifikuesit e zakonshëm të blerë në dyqan, mjetet organizative të bëra në shtëpi ofrojnë mundësinë për të eksploruar rezultate krijuese dhe ekonomike, duke i dhënë një ndjesi vlere planeve tuaja ditore, mujore dhe vjetore. Nuk ka të bëjë vetëm me produktin e përfunduar; mund thjesht të shijoni procesin dhe në të ardhmen të shikoni pas mbi gjithçka që keni arritur.


Shkruar nga Rowan Davies