Jepini shkëlqim shtëpisë me dekor që punohet lehtë

Shtëpia është vendi ku rri zemra – dhe ku shumë prej nesh kalojnë një pjesë gjithnjë e më shumë të kohës sonë. Teksa moti ftohet dhe netët fillojnë të zgjaten, mendimet shkojnë drejt krijimit të një këndi të ngrohtë përplot me dekorime personale. Mund të shkoni në dyqan e të blini disa orendi apo dekorime të pazakonta për t’i dhënë një shije personale dekorit të shtëpisë suaj - por përse të mos provoni t’i krijoni vetë?

Falë gamës së gjerë të shablloneve të disponueshme në faqen e internetit të Creative Park dhe teknologjisë inteligjente në gamën e printerëve me valë Canon PIXMA, mund t’i krijoni vetë aksesorët e shtëpisë pa shpenzuar shumë. Për këtë tutorial kemi përdorur printerin Canon PIXMA G6040. Është një zgjedhje e preferuar për studiot e punës në shtëpi, por mund të përdoret dhe si pikë printimi për të gjithë familjen, si dhe është ideal për krijimin e shablloneve të cilësisë së lartë për projekte punëdoreje me letër.

Faqja e internetit e Creative Park përmban një larmi dekorimesh praktike dhe tërheqëse për çdo dhomë të shtëpisë. Përse të mos krijoni një vazo apo një kuti xhinglash për ndonjë raft apo parmak dritareje që rri bosh? Mund t’i jepni hijeshi dhomës së fëmijëve tuaj me një kokë njëbrirëshi në 3D ose një varëse shumëngjyrëshe krevati me dinozaurë. Mund ta shpalosni krijimtarinë tuaj në shumë mënyra argëtuese.

Ju duhet:

• Printeri Canon PIXMA, për shembull Canon PIXMA G6040.
• Creative Park.
• Letër printeri Canon – Matte Photo Paper ka cilësi të lartë, forcë e fleksibilitet.
• Shabllonet tuaja të preferuara të dizajnit. Për shkrepjen tonë të dekorimeve të shtëpisë kemi përdorur një larmi shabllonesh, mes të cilave celularin-dinozaur, kutinë e dhuratave dhe skulpturën e murit me njëbrirësh.
• Gërshërë ose thikë/prerëse letre dhe tabakun e prerjes.
• Ngjitëse letre.

Në faqen e Creative Park ka një seksion 'Home and Living' me kategori që përfshijnë 'Plants', 'Ornaments/Accessories' dhe 'Hanging decoration'. Mund dhe të provoni funksionin 'Search' për të gjetur atë që kërkoni.

Gjatë shkarkimit do t’ju kërkohet dhe të zgjidhni madhësinë e letrës.

Çdo shabllon vjen me një listë të qartë udhëzimesh që mund t’i ndiqni në ekran ose dhe t’i printoni në një copë letër.

Letra e fortë dhe cilësore Matte Photo Paper ose Double-sided Matte Paper është ideale për projektet e punëdores. Shpesh shabllonet kërkojnë më shumë se një fletë – sidomos për dizajnet më komplekse. Një larmi materialesh punëdoreje mund të mbushen nga sirtari i pasmë i letrës i Canon PIXMA G6040.

Nëse e përdorni për herë të parë printerin, sigurohuni që të ketë bojë. Sistemi MegaTank i Canon që vjen në të gjithë printerët e PIXMA G Series është projektuar për të sjellë rendiment tejet të lartë, me kosto të ulët për faqe, që do të thotë se mund të jeni sa krijues të dëshironi pa e vrarë mendjen se mos ju mbaron boja. Depozita e integruar bojës me dalje nga përpara jua bën të lehtë të shikoni nëse po mbaron boja. Për ta rimbushur depozitën, thjesht hapni kapakun përpara printerit dhe fusni shishen përkatëse të bojës në fole – ai ndalon automatikisht kur të jetë plot. Depozitat mund t’i mbushni sapo të shikoni nivelet e bojës që bien.

Për lloje të tjera printerësh Canon PIXMA Inkjet, futni fishekët e duhur të bojës gjatë konfigurimit.

Pasi të keni kontrolluar nivelet e bojës dhe të keni futur letrën e saktë jeni gati të shtypni 'Print'.

Për këtë pjesë do t’ju duhet një dorë e qëndrueshme dhe pak durim - sidomos për shabllonet më komplekse. Një palë gërshërë të mprehta duhet të mjaftojnë për skicat e thjeshta, por për pjesët komplekse rekomandohet një tabak prerjeje dhe një thikë letrash. Shihni udhëzimet e shabllonit për t’u siguruar që ta palosni e përkulni letrën në drejtimin e duhur.

Nëse dekorimi duhet ngjitur dhe jo thjesht palosur, do t’ju duhet ngjitëse e fortë për letra. Përpara vendosjes së ngjitëses, palosini dhe shtypini skajet për të marrë një rezultat më të mirë. Kapëset e letrës mund t’ju hyjnë në punë për fiksimin e vjegave kur prisni të thahet ngjitësja.

Tani jeni gati ta varni dekorimin apo ta vendosni në një pozicion të dukshëm në shtëpi. Mund të përdorni pineska për t’i varur dekorimet nga tavani apo të ngulni varëse të lehta muri me ngjitëse të ripërdorshme. Për t’u siguruar që ngjyrat t’ju mbesin të shndritshme dhe të qarta, mbajini në pozicione që nuk i zë drita e fortë e diellit.

U frymëzuat nga ky projekt? Mundësitë e dekorimit të shtëpisë nuk mbarojnë këtu. Nga kartolinat dhe kalendarët te printimet dhe posterët, aplikacioni argëtues dhe intuitiv Easy-PhotoPrint Editor ju mundëson të jeni superkrijues me fotot tuaja të preferuara.

Shkruar nga Claire Gillo dhe Andrea Ball