Krijoni një dhomë gjumi me temë dinozaurësh me dekor të riciklueshëm me punëdore

Ashtu si të rriturit, edhe fëmijët kanë dëshirë të shprehin krijimtarinë dhe personalitetin e tyre përmes hapësirave që i rrethojnë. Dhe kur je i vogël, dhoma juaj e gjumit nuk është vetëm vendi ku të zë gjumi në fund të një dite të gjatë. Është vendi ku bën detyrat e shtëpisë, ku luan, ku të vijnë shokët - është universi yt i vogël. Ku ka më mirë për ta kthyer këtë hapësirë në diçka tërësisht tuajën sesa të krijoni diçka që ju pëlqen? Me Canon Creative Park, një printer PIXMA, pak letër dhe një palë gërshërë, nuk ka qenë kurrë më e lehtë.

Ka shumë mënyra për të personalizuar dekorin e dhomës së gjumit të fëmijëve – si p.sh. perde ose mbulesa me motive, dhe piktura murale ose printime me kornizë. Por mund të jetë e vështirë të ndjekësh interesat e fëmijëve që janë në ndryshim të vazhdueshëm. Një çast gjithçka ka të bëjë me hapësirën dhe astronautët, pastaj kalojnë te piratët dhe para se ta kuptoni, te dinozaurët. Rilyerja dhe blerja e çarçafëve të rinj apo ilustrimeve të reja për çdo rast mund të jetë e shtrenjtë, por tani mund t'i jepni dhomës së gjumit të fëmijës suaj një ndryshim parahistorik në një mënyrë më ekonomike.

Pra, pse të mos e provoni me dekorime letre? Kur interesat e fëmijëve tuaj ndryshojnë, ju thjesht mund të ricikloni dekorimet dhe të bëni disa të tjera. Ka mijëra shabllone falas, duke përfshirë të gjitha llojet e ideve të punëdores të përshtatshme për fëmijët, që ofrohen në programin dhe faqen e internetit të Canon Creative Park, por paleontologët e vegjël do të emocionohen së tepërmi kur të shohin modelet e mundshme të dinozaurëve. Zgjidhni një maskë me kokë të plotë, si ajo e një pteranodoni ose një triceratopsi, ose një figurë letre e një apatozauri. Dhe nëse fëmijët tuaj duan të marrin kartolinën ideale me nivele për ditëlindjen e një shoku, pse të mos krijoni një kartolinë me T-rex? Chee-Chiu Lee dhe dy djemtë e tij Elon (7) dhe Okkie (11) provuan një përzgjedhje të modeleve nga faqja.

Një nga gjërat më të mira në lidhje me punëdoret e dinozaurëve është se nuk keni nevojë për pajisje të reja apo të komplikuara. Kontrolloni udhëzimet për secilin shabllon - disa mund të kërkojnë materiale të mëtejshme, si p.sh. spango, shirita elastikë, ngjitëse punëdoreje ose lapëstila me ngjyra - por në përgjithësi, ja çfarë do t'ju duhet:

• Printeri PIXMA Canon, si p.sh. PIXMA TS5350a Series.
• Programi Canon Creative Park (ose faqja e internetit).
• Canon Matte Photo Paper rekomandohet së tepërmi, veçanërisht për dizajne më të ndritshme dhe më të detajuara, por çfarëdo letre printeri A4 funksionon mirë për disa dizajne më të thjeshta.
• Një palë gërshërë - gërshërët e sigurisë janë më të mirat për punëdoristët e vegjël.

Pasi të keni marrë mjetet është koha të zgjidhni modelet në Canon Creative Park, të shkarkoni shabllonet dhe t'i printoni duke përdorur printerin PIXMA. Ka kaq shumë modele për të zgjedhur - nga një celular i lezetshëm letre që do të tërheqë fëmijët më të vegjël, deri te posterët me T-rex duke nxjerrë dhëmbët e tij të mëdhenj e të frikshëm që do t'u pëlqejnë fëmijëve më të mëdhenj që i tërheqin shfaqjet e horrorit. Njëmbëdhjetëvjeçarit Okkie punëdorja iu duk veçanërisht interesante – "sidomos duke parë mënyrën se si skedat e letrës bëhen bashkë për të krijuar magjinë 3D!" - thotë Chee.

Të folurit për zgjedhjet është një mënyrë e shkëlqyer për të biseduar me fëmijët tuaj rreth llojeve të ndryshme të dinozaurëve, cilët u pëlqejnë më shumë dhe pse. Mund madje të habiteni se sa shumë mund t'ju mësojnë ata juve!

Çdo shabllon vjen me udhëzime të printueshme hap pas hapi, të cilave mund t'u referoheni ndërsa ecni përpara, një vlerësim me yje për të treguar nivelin e vështirësisë dhe informacion i përafërt se sa kohë duhet për t'u bërë. Duke qenë se disa prej modeleve janë më të lehta për t'u përgatitur se të tjerat, kjo do të thotë se ka diçka me të cilën mund të merret secili - nga fëmijët që sapo kanë filluar shkollën dhe paraadoleshentët e deri te gjyshërit. "Zgjedhja dhe printimi i dinozaurëve krijoi një atmosferë që i bëri djemtë të ndiheshin sikur po krijonin diçka nga e para," - thotë Chee.

Lërini fëmijët tuaj të merren me shabllonet e thjeshta në mënyrë më të pavarur, si p.sh. origamit e këndshme të triceratopsit ose ndonjë minidinozaur të lehtë, ndërsa ju ndihmoni në punën me format më komplekse, si p.sh. stegozauri 3D. Është e lehtë të përshtatni dizajne të ndryshme sipas niveleve të aftësive të fëmijëve tuaj. "Okkie ishte mjaft i aftë për disa prerje të ndërlikuara dhe për t'i ngjitur të gjitha së bashku," - thotë Chee.

Disa nga modelet, si p.sh. kukulla e nyjëtuar e letrës e tiranozaurit dhe stegozauri me fuqi elastike, kanë pjesë lëvizëse, duke shtuar një nocion teknik dhe fizike në aspektin edukativ.

Pyetini fëmijët tuaj se si mendojnë se mund t'i paraqesin punëdoret e tyre të dinozaurëve në efekte optimale. Ndoshta do të donin të krijonin një mur galerie me printime të lezetshme të dinozaurëve? Së bashku mund të planifikoni se ku do të dukej secili më mirë. Ndoshta kanë bërë shumë modele dinozaurësh ose kanë krijuar dioramën e tyre të minidinozaurëve. Këto duken fantastike të sistemuara në ndonjë raft, tryezë ose komodinë në mënyrë që fëmijët t'i kapin shpejt kur duan të luajnë. "Djemve u pëlqente t'i vendosnin dinozaurët në hapësirën e bimëve të shtëpisë," - shpjegon Chee.

Herës tjetër kur të bjerë shi ose kur kërkoni diçka për të bërë në ndonjë pasdite fundjave, nuk ka nevojë të shpenzoni para për aktivitete të shtrenjta. Ky aktivitet me punëdore me dinozaur nuk është thjesht argëtues, por u mundëson gjithashtu fëmijëve të zhvillojnë një sërë aftësish, si krijimtaria, përqendrimi, ndjekja e udhëzimeve dhe puna në grup. Ata do të kënaqen kur të shohin rezultatet - një dhomë gjumi unike ose hapësirë ​​loje që mund të thonë me krenari se e kanë bërë të tyren. Dhe kur shijet e tyre të ndryshojnë, thjesht mund t'i riktheheni Canon Creative Park për të zbuluar shabllone të tjera letre për dizajne që lidhen me subjektin e tyre të ardhshëm të interesit.

Nuk ka pasur kurrë një kohë më të mirë për të dekoruar dhomën e gjumit të fëmijës suaj në mënyrë ekonomike sesa me punëdoret parahistorike të Canon Creative Park. Dhe pasi të keni mbaruar, bëni një fotografi dhe ndajeni me etiketën #MadeWithPixma për të frymëzuar të tjerët që duan të provojnë dorën. Tani gjithçka që duhet të vendosni është se cilin dinozaur do të sillni në jetë!