Nisjani nga punëdoret këtë pranverë me një projekt printimi fluturash

Ardhja e fluturave është një shenjë e sigurt se pranvera po vjen, dhe ku ka më mirë se ta mirëprisni ndërrimin e stinëve sesa duke krijuar dekorime për shtëpinë me temë fluturat?

Artistja dhe punëdoristja, Aimee Graham, filloi të krijonte bizhuteri me origami, por vitin e kaluar ajo ka zhvilluar ide të reja, duke eksperimentuar me materiale të reja dhe duke i publikuar krijimet e saj në profilin e vet në Instagram (@aimee__designs).

"Unë kam qenë gjithnjë krijuese dhe punëdorja është bërë pjesë e rutinës sime të kujdesit për veten. Kur kuptova se njerëzit e vlerësonin punën time, mora besimin për të filluar me ngritjen e një marke," - shpjegon Aimee. "Unë dua të krijoj punime argëtuese, individuale dhe të qëndrueshme që njerëzit mund t'i përdorin për të pajisur veten apo banesat e tyre. Do të doja gjithashtu t'i ndihmoja njerëzit të hapen drejt krijimtarisë së tyre".

Këtu, Aimee shpjegon se si përdori një printer të Canon PIXMA TS5350a Series, shabllone nga shërbimi i përmbajtjes falas përplot me frymëzim të Canon Creative Park dhe pak aftësi punëdoreje për të krijuar punime fluturash mahnitëse dhe me imagjinatë.

Do të gjeni disa shabllone të bukura në Creative Park që mund të funksionojnë si bazë për planet tuaja, duke përfshirë celularët me flutura dhe ngjitëset e murit 3D. Mund të gjeni gjithashtu frymëzim për projektin tuaj të punëdores në aplikacionin Creative Park, që ofrohet për iOS dhe Android. Për të printuar nga aplikacioni, do të duhet të lidhni një printer të pajtueshëm Canon PIXMA Inkjet - kontrolloni këtë listë të modeleve të mbështetura të printerëve*.

"Printimi është një pikënisje e shkëlqyer për krijimet tuaja", - thotë Aimee. "Nëse gjeni diçka tepër sfiduese, gjithmonë mund të filloni duke printuar shabllone dhe skica. Këto mund t'i përdorni për të gjurmuar dhe prerë modelet tuaja për dekorim, kolazh ose thjesht për frymëzim."

Aimee përdori një printer të Canon PIXMA TS5350a Series dhe Plus Glossy, si dhe Matte Photo Paper për të printuar modelet e saj dhe vuri re se printeri ishte i shpejtë në instalim dhe i lehtë në përdorim. "Ishte shumë praktik në mbushjen e letrës dhe ndryshimin e cilësimeve të madhësisë së letrës. Është disi më kompakt sesa printerët e tjerë që kam përdorur, kështu që duket edhe bukur.

"Gjithashtu cilësia e letrës ishte e përsosur," - shton ajo. "Ndonjëherë letra mund të shpërbëhet pak pasi punon ca kohë me të, kështu që ishte vërtet mirë të kishe një material fortësie të mjaftueshme për të gjithë procesin si dhe që vazhdoi të ishte i qëndrueshëm si produkt i përfunduar pasi mbarova me modifikimet duke i hapur vrima e futur tela tejetej!"

Aimee përdori ngjitëset e murit 3D në Creative Park si pikënisjen për dizajnet e saj. "Shabllonet më dhanë një pikënisje konkrete nga të filloja. E dija se cilat forma më pëlqyen më shumë dhe kjo m'i bëri gjërat të thjeshta dhe më shamngu mendimet e tepërta," - shpjegon ajo. "Fluturat ishin fokusi kryesor i punës dhe gjithçka tjetër u krijua vetëm për të përcaktuar skenën." Aimee shkarkoi shabllonin dhe udhëzimet për të krijuar një grumbull fluturash, të cilat ajo planifikoi t'i rregullonte në një kavanoz-këmbanë (kupolë qelqi vitrine) së bashku me lule dhe gjethe letre dhe disa krijime të tjera të saj të pikturuara.

Ajo pastaj iu drejtuar modeleve individuale për kornizën e kutisë, këtë herë duke përdorur shabllone bosh fluturash që i gjeti në internet dhe duke i pikturuar vetë motivet delikate të krahëve me bojëra uji dhe stilolapsa, duke përdorur si udhëzues fluturat e saj të preferuara nga Creative Park.

"Fokusi im kryesor ishte transformimi i modeleve të skicës në flutura me ngjyra të plota të cilat pastaj do t'i bëja 3D. Në këtë pikë në thelb ishte thjesht ngjyrosje. Ishte lehtësuese ta shpije procesin krijues në rrënjët e fëmijërore dhe thjesht të argëtoheshe", - thotë Aimee.

Nëse nuk keni bojëra uji dhe stilolapsa, lapsat me ngjyra bëjnë punë po aq mirë. "Cilësia e printimeve ishte fantastike", - pohon Aimee me entuziazëm. "Nuk kishte njolla boje dhe vijat e printuara ishin vërtet të imëta".

Tufat e luleve të letrës, varëset e murit dhe kornizat e kutive janë disa nga specialitetet e Aimee, kështu që ajo mund të shihte menjëherë sa e lehtë do të ishte të përfshinte punëdoret e fluturave në modelet e saj.

"E gjithë puna ime është e frymëzuar nga natyra, kështu që mund ta përfytyroja sa mirë do të funksiononin fluturat", - thotë ajo. "Mund ta shihja copën e kanën e vitrinës me mendje menjëherë, ndaj isha vërtet e ngazëllyer për ta realizuar."

Për të shfaqur tri prej fluturave të saj të pikturuara punëdore si punime për mur, Aimee zgjodhi një kornizë prej druri dhe mbërtheu një etiketë të shkruar me dorë pranë secilës.

"Më pëlqen t'i përdor kavanozat e vitrinës dhe kornizat kuti në këtë mënyrë," - shpjegon ajo. "Kjo më kujton kavanozat e mostrave që shihni në vende si muzeu i historisë natyrore. Ruajtja e bukurisë, natyrës dhe historisë në këtë mënyrë e shndërron një objekt në një vepër arti".

Aimee ishte vërtet e kënaqur me rezultatet saj, dhe ndonëse ka qenë krijuese gjatë gjithë jetës së saj, ajo mendon se është e mundur për këdo që të arrijë rezultate të ngjashme.

"Unë mendoj se të gjithë kanë një dell krijues diku brenda vetes," - pohon ajo. "Arti mund të jetë sfidues, veçanërisht kur duhet të bëhs diçka nga asgjëja. Por nëse nisni thjesht dhe e filloni procesin duke vënë energjinë tuaj në punë dhe duke parë se ku dilni, mbase dhe përhumbeni në të - dhe kjo është magjia.

"Ka të bëjë shumë më tepër me rrugëtimin krijues sesa me rezultatin përfundimtar. Mbajini gjërat të thjeshta, bëjini argëtuese dhe vazhdoni të provoni."


Për më shumë frymëzim për punëdore, na ndiqni në Pinterest. Dhe mos harroni t'i ndani krijimet tuaja në rrjetet sociale duke përdorur etiketën #MadeWithPIXMA.



Shkruar nga Andrea Ball



* Nëse printeri juaj nuk mbështetet, kontrolloni faqen e internetit të Creative Park.