Këshillat kryesore dhe kompleti më i mirë: hapat e parë me fotografinë e shpendëve

Fotografimi i kafshëve dhe i shpendëve në habitatin e tyre natyror mund të jetë edhe sfidues, edhe shpërblyes. Zogjtë janë veçanërisht të paparashikueshëm dhe mund të ikin sapo të ndjejnë lëvizjen më të vogël, por janë subjekte mahnitëse për t'u fotografuar.

Pra, si t'ia dilni mbanë me fotografimin e shpendëve? Të qenit i duruar, këmbëngulës dhe me kuptimin themelor të sjelljes së shpendëve janë të gjitha të rëndësishme, siç është dhe pasja e kompletit të duhur për shkrepjen e këtyre gjallesave relativisht të vogla e me shpejtësi të lartë.

Fotografi i faunës së egër, Aaron Sterling, ka parë dhe fotografuar zogjtë për aq kohë sa mund ta mbajë mend. Këtu, ai ndan këshillat e tij për fotografimin e shpendëve pa i shqetësuar, dhe funksionet që duhet të keni kujdes kur zgjidhni kamerat dhe objektivat, për të filluar udhëtimin tuaj në fotografinë e shpendëve.

Mbërritja më herët në vendin e zgjedhur është thelbësore, thotë Aron-i. Gjeni një pikë ku kafshët janë të mësuara t'i shohin njerëzit, që të mos jenë aq vjedharake ç'mund të jenë," - sugjeron ai. Nëse sapo jeni duke filluar, shkoni në një rezervat natyror dhe mësohuni me ambientin."

Shkrepja nga një vend i fshehtë është ideale për të mos i trembur subjektet. Unë përdor një tendë të vogël kamuflazhi me vrima", - vijon ai. "Thjesht rri aty dhe bëj durim. Sa më shumë kohë të kaloni jashtë, aq më shumë do të keni një ide se ku është pika më e mirë."

Nëse nuk keni akses në rezervatin e natyrës, mund të fotografoni shpendë në parkun tuaj lokal apo edhe në kopshtin tuaj. "Instaloni një ushqyes shpendësh", - këshillon Aaroni-. "Këto janë brilante pasi tërheqin shpendë të ndryshëm. Vendosni një shkop të vogël pranë ushqyesit për ta bërë të duket i natyrshëm dhe zogjtë do të ulen aty, duke e bërë të duket sikur keni qenë vërdallë." Luani me inkuadrimin në mënyrë që të mos e shfaqni ushqyesin në pozën finale.

Duhet të mësoni të përshtateni me ndryshimin e motit dhe është e rëndësishme të njiheni me parimet bazë të fotografisë. "Mësoni gjithçka që mundeni për shpejtësinë e shkrehësit, aperturën, ISO dhe se çfarë funksionon më mirë për llojin e pozës që kërkoni", - thotë Aaron-i.

Duhet gjithashtu të mësoni për subjektin tuaj, por kjo nuk ka pse të jetë e intimiduese. "Sa më shumë vrojtim të shpendëve të bëni, aq më i interesuar bëheni për të mësuar më shumë", - thotë Aaron-i. "Do të filloni të dalloni thirrjet e shpendëve dhe mësoni se zogjtë e vegjël shpesh ndodhen shkurreve, ndërsa zogjtë grabitqarë preferojnë të qëndrojnë mbi pemë të larta."

Pesha dhe portativiteti

Nëse planifikoni të vërdalliseni gjatë gjithë ditës në këmbë, ju duhet një komplet që është i lehtë për t'u mbajtur. Canon PowerShot ZOOM, një kamerë monokulare superzmadhimi në madhësi xhepi, është ideale për fotografimin e shpendëve, duke ju mundësuar të shkrepni foto në foto në 12.1MP dhe në Full HD. Trupi i saj kompakt redukton rrezikun e trembjes së shpendit dhe vjen me zmadhim 3-nivelësh, me gjatësi fokale prej 100mm, 400mm dhe 800mm, që të mund ta mbushni më shumë kuadrin me subjektin tuaj. PowerShot ZOOM është gjithashtu Full Auto, ndaj nuk ju duhet të kaloni kohë duke ndryshuar cilësimet.

Aaron-i e provoi Canon PowerShot ZOOM në Chropher Cadbury Wetland Reserve në periferi të Birmingamit, Britani, dhe i pëlqeu mënyra se si mund ta fuste kamerën në xhep duke e nxjerrë sapo pikaste një zog. "Më pëlqen rripi pasi ju ndihmon ta mbani kaq lehtë", - pohon ai. "Nuk ka pse shqetësoheni se mos ju del nga duart, sidomos kur jeni me nxitim."

Nëse kërkoni për një kamerë me objektiva të këmbyeshëm, Canon EOS R50 24.2MP është e vogël dhe diskrete - me peshë vetëm 375g.


Shkrepje e vazhdueshme e heshtur, me shpejtësi të lartë

Modaliteti Burst është mbase qasja më e mirë për shkrepjen e subjekteve me lëvizje të shpejta si zogjtë. Canon EOS R50 shkrep momentet në 12fps (15fps me shkrehësin elektronik), ndërsa EOS R10 mund të shkrepë seri të vazhdueshme imazhesh deri në 15fps (23fps me shkrehësin elektronik).

Për të mos e trazuar subjektin, duhet të bëni sa më pak zhurmë të jetë e mundur kur jeni duke punuar nga afër dhe kamerat me një modalitet të heshtur shkrehësi elektronik ju mundësojnë shkrepjen pa bërë zhurmë.

Modaliteti RAW Burst me pararegjistrim, që haset te kamerat si Canon EOS R7, është një funksion tjetër i dobishëm për fotografimin e subjekteve të paparashikueshme. Kamera fillon të shkrepë skedarët RAW kur shtypni deri në gjysmë butonin e shkrehësit dhe pastaj, kur e shtypni plotësisht, i ruan fotot në memorien specifike - seri pozash deri në gjysmë sekonde. "Kjo është tejet e rëndësishme gjatë fotografimit të shpendëve, pasi nuk e dini kurrë se kur mund të fluturojnë", - shpjegon Aaron-i.

Një mënyrë e shkëlqyer për të fotografuar zogjtë në shtëpi është ta vendosni kamerën në një stativ pranë ushqyesit të shpendëve, ta poziciononi veten jashtë pamjes dhe të shkrepni në distancë. Një gamë e gjerë kamerash Canon kanë lidhje Wi-Fi dhe të gjitha kamerat e EOS R System kanë edhe Bluetooth. Programi Canon Camera Connect ju mundëson të kontrolloni një gamë të gjerë cilësish dhe të aktivizoni shkrehësin nga smartfoni apo tableta. Canon EOS Utility, që përfshihet në konfigurimin fillestar të paketës së programeve me të gjitha kamerat EOS, ju mundëson gjithashtu ta përdorni kamerën nga kompjuteri dhe t'i shikoni fotot në një ekran më të madh.


Gjurmim vetëfokusimi për subjekte në lëvizje dhe vetëfokusim te sytë e kafshëve

Teknologjia e vetëfokusimit Dual Pixel CMOS AF II në kamerat e EOS R System, si p.sh. EOS R50 dhe EOS R10, punon së bashku me procesorin DIGIC X për të realizuar gjurmimin e shpejtë të subjektit, duke ju mundësuar të fokusoheni në çast te një zog në lëvizje. "Eye Detection AF" është një nga veçoritë e avancuara të vetëfokusimit e krijuar për t'ju ndihmuar të nxirrni poza të mprehta shpendësh në fluturim. AF kërkon për shpendë në kuadër dhe u jep prioritet këtyre si subjektet kryesore për t'i gjurmuar, duke u fiksuar në sy nëse mund t'i pikasë. Kjo do të thotë se nuk është e thënë të sakrifikosh fokusin e mprehtë kur shkrep një zog në lëvizje.


Aftësi për ndriçim të ulët

Shumë shpendë, si p.sh. kukuvajkat, dalin rrotull vetëm natën, ose herët në mëngjes kur kushtet e ndriçimit nuk janë ideale për fotografi. Canon EOS R10 24.2MP vjen me fokus -4 EV për ndriçim të ulët dhe ndjeshmëri maksimale prej ISO 32,000, që mund të zgjerohet deri në ISO 51,200, duke ju mundësuar të fotografoni edhe në dritën e hënës.

Shpendët janë zakonisht më të vegjël dhe të vështirë për t'iu afruar se kafshët e tjera të egra, ndaj ju duhet shpesh një gjatësi më e madhe fokale për t'i fotografuar. Canon RF 600mm F11 IS STM - që është gjatësia e preferuar fokale e Aaron-it për fotografimin e shpendëve - është një objektiv peshëlehtë supertelefoto që do t'ju mundësojë mbushjen e kuadrit me imazhe të detajuara. Ka gjithashtu një fotostabilizues optik me 5 nivele (IS) për të ndihmuar në parandalimin e turbullimit të shkaktuar nga lëkundja e kamerës.

Objektivat zmadhues ju japin më shumë opsione inkuadrimi, duke ju mundësuar të kaloni nga pozat e gjera që shkrepin shpendët në ambientin e tyre natyror deri në portrete të afërta që theksojnë tipare specifike. Me një gamë të fuqishme zmadhimi (ekuivalente të 29-240mm në një kamerë kuadërplotë), Canon RF-S 18-150mm F3.5-6.3 IS STM është kompakt, peshëlehtë dhe i qetë, me 4.5 nivele IS optik. Një zmadhues tjetër kompakt me rreze gjatësie fokale që e bën të përshtatshëm për fotografinë e shpendëve është Canon RF-S 55-210mm F5-7.1 IS STM. Apertura e tij 7-fletëshe pranë këndit ju jep një pamje të këndshme në zona jashtë fokusi, duke e izoluar subjektin për foto me më shumë impakt. Mësoni më shumë në udhëzuesin tonë për objektivat më të mirë të nivelit fillestar për fotografinë e faunës së egër.

Nuk ka pse të jesh ekspert i fotografisë së shpendëve për t'i pëlqyer, dhe nuk ka as aspekte negative. "Vrojtimi i shpendëve mund të jetë shumë fiksues", - thotë Aaron-i. "Është si videolojë, ku përfundoni një nivel dhe dëshironi të përballeni menjëherë me tjetrin. Pikasni një zog dhe pastaj kërkoni një tjetër dhe një tjetër. Shfrytëzojeni rastin për t'u lidhur me natyrën dhe do të filloni ta çmoni më shumë planetin tonë të bukur. Dhe mos harroni se është privilegj të shikosh zogjtë."


Shkruar nga Nikita Achanta