Dy objektiva, dy pamje mbi fotografinë e peizazhit

Fotografja e nderuar me çmime, Verity Milligan, është e pasionuar për shkrepjen e peizazheve. Ajo shpesh ngrihet para lindjes së diellit, për t'u endur në natyrë. “Jam një adhuruese e madhe e mëngjeseve dhe në veçanti e mëngjeseve me mjegull”, - thotë ajo. “Janë shumë atmosferikë. Më pëlqen të dal para agimit dhe të filloj të shkrep në 'orën blu' kur dielli është ende nën horizont."

Verity ka një gamë të lakmueshme kamerash Canon dhe objektivash të serisë L në çantën e saj, por për të demonstruar se çfarë është e mundur me vetëm një palë objektiva kompaktë e peshëlehtë, ajo pranoi sfidën e shkrepjes së peizazheve nga këndvështrime të ndryshme me vetëm një objektiv zmadhues dhe një fiks – Canon RF 15-30mm F4.5-6.3 IS STM dhe RF 24mm F1.8 MACRO IS STM – në zonën e bukur të Lake District në Cumbria, Angli.

"Cilësia dhe rendimenti i këtyre objektivave më ekonomikë është përmirësuar ndjeshëm që kur fillova të merrem me fotografinë," - thotë Verity. “Xhami është shumë i mirë dhe të dy objektivat janë vërtet reagues. Megjithatë, ajo që më pëlqeu më shumë është se sa të vegjël dhe të menaxhueshëm janë. Unë thjesht mund të marr një kamerë dhe këta dy objektiva dhe të endem peizazheve."

"Një sfidë e madhe në fotografinë e peizazhit është t'i shohësh gjërat ndryshe, që të mund të bësh imazhe që nuk janë të njëjta me të gjithë të tjerëve," - shpjegon Verity. "Kjo është arsyeja pse përdorimi i objektivave me një sërë pamjesh mund të jetë kaq i dobishëm."

Canon RF 15-30mm F4.5-6.3 IS STM është ideal për fotografët entuziast që duan të shtojnë një zmadhim të gjithanshëm ultrakëndgjerë në kamerën e tyre EOS R System. Ideal për të kapur pamje gjithëpërfshirëse, vjen me një fotostabilizues optik me 5.5 nivele për pamje pa lëkundje, edhe kur shkrepni peizazhe dorazi ose në dritë të ulët. Keni deri në 7 nivele IS me një trup të pajtueshëm EOS R System si EOS R5. Ky objektiv është gjithashtu i shkëlqyer nga afër, me një modalitet fokusimi manual që ofron nivele të jashtëzakonshme detajesh dhe mprehtësi mbresëlënëse, deri në 12.8cm (zmadhim 0.52x).

Me peshë vetëm 270g, modeli i vogël dhe peshëlehtë Canon RF 24mm F1.8 MACRO IS STM kombinon një kënd të gjerë me një aperturë të shpejtë për shkrepje krijuese, edhe në dritë të ulët. Fotostabilizuesi optik me 5 nivele mundëson shpejtësi më të gjata të shkrehësit për shkrepje dorazi, duke kaluar në 6.5 nivele me një trup të pajtueshëm të EOS R System. Është gjithashtu optimal për pamjet nga afër me një distancë minimale fokusimi prej 14cm (zmadhim 0.5x ose madhësi gjysmëjete), në mënyrë që të mund ta shfaqni subjektin brenda mjedisit të vet.

Verity përdori Canon RF 15-30mm F4.5-6.3 IS STM për të shkrepur disa foto mahnitëse të Buttermere idilik dhe shpateve gjithëpërfshirëse të Northern Fells. "Ky objektiv është më efikas për peizazhe vërtet të gjera," - shpjegon ajo. "Fushëpamja më e gjerë është thjesht e paarritshme për shkrepjen e peizazheve të mëdha dhe qiejve të pamasë e dramatikë."

Raporti mes peizazhit të largët dhe interesit në plan të parë është thelbësor kur bëhet fjalë për kompozimin e pozave të peizazhit. “Dua ta orientoj syrin e shikuesit përmes kuadrit pa e mbingarkuar pamjen”, - thotë ajo. “Është e rëndësishme të gjesh një ekuilibër midis planit të parë dhe sfondit. U jep thellësi pamjeve."

Verity u impresionua vërtet nga zhdërvjelltësia që i dha RF 15-30mm F4.5-6.3 IS STM për shkrepjen e peizazheve dhe hapësira për krijimtari. "Ka një gamë të madhe të gjatësive fokale të orientuara nga peizazhi. Diapazoni i zmadhimit mbulon gjithçka që kam nevojë dhe është mahnitës në terrene të vështira kur nuk mund të arrij fizikisht në vendin nga ku dua të shkrep me një objektiv fiks.

“Ai gjithashtu mund të kombinojë një kënd shikimi super të gjerë me fokusimin e ngushtë. Unë arrita të afrohesha shumë pranë dhe të shkrepja disa zhaba në mes të kuadrit, me peizazhin përreth që turbullohej me sfondin për kontekst."

Gjatë shkrepjes së plishit, një pilivesë shigjetë kërceu papritmas në pozë dhe aftësitë makro të Canon RF 24mm F1.8 MACRO IS STM i mundësuan Verity-së të afrohej së tepërmi për disa poza të detajuara, me rreth f/3 për të izoluar pilivesën duke turbulluar sfondin ndërsa ruante ngjyrat e bukura të peizazhit.

“Është fantastike ta kesh si aftësi në kompletin tënd”, - thotë Verity. "Të ndihmon të kujtosh se fotografia e peizazhit nuk ka të bëjë vetëm me shkrepjen e pamjeve të mëdha."

Verity-t i pëlqeu gjatësia fikse fokale e objektivit dhe tha se iu duk vërtet e dobishme për të shmangur shpërqendrimet dhe për t'u përqendruar te kompozimi. "Një gjatësi fokale fikse të mëson të jesh një fotograf më i mirë," - shton ajo. “Për mua, ky është më shumë objektiv krijues. Dhe kur gjithçka gjen vendin e vet, arrihen foto mahnitëse peizazhesh."

Në një botë ideale, do të mbaje objektiva që u përshtaten skenarëve të ndryshëm kur niseni për të shkrepur peizazhe, por Verity vuri re se mes tyre, Canon RF 15-30mm F4.5-6.3 IS STM dhe RF 24mm F1.8 MACRO IS STM pak a shumë mbuluan thuajse të gjitha nevojat e saj të shkrepjes. "Të dy objektivat kanë goxha për t'i ofruar kujtdo që ia ka marrë dorën kamerës dhe dëshiron diçka më shumë se sa mund t'u ofrojë kompleti i tyre," - thotë ajo. Kjo përfshin përdoruesit e kamerave APS-C në linjën EOS R System të Canon, të cilët do të përfitojnë gjithashtu nga këndi më i gjerë i objektivave zmadhues dhe apertura më e gjerë e fiksit.

"Me këndet e tij të mëdha të shikimit, Canon RF 15-30mm F4.5-6.3 IS STM u jep fotografëve mundësinë për ta parë peizazhin në mënyra të ndryshme dhe për të evoluar vërtet krijimtarinë e tyre," shton Verity." Aftësia e Canon RF 24mm F1.8 MACRO IS STM e kombinuar me aperturën e shndritshme f/1.8 sjell mundësi të reja, krijuese, emocionuese."

Verity ishte veçanërisht i impresionuar me aftësitë AF të të dy objektivave dhe mënyrën se si funksiononte IS e objektivit së bashku me IBIS në EOS R5. "IS funksionoi jashtëzakonisht mirë," - thotë ajo. "Them se kam marrë vetëm një pamje të turbullt nga dy ditët e fotografive, edhe kur përdor apertura tejet të ngushta apo shpejtësi të ngadalta shkrehjeje në dritë të ulët. Ndonjëherë shkrepja dorazi në prag të errësirës dhe ende arrija foto po aq të qarta. Më pëlqen shumë liria e lëvizjes kur shkrep dhe jam në gjendje të bëj ndryshime delikate për të parë se si kjo ndryshon perspektivën e pozës. Përdorimi i një stativi mund të jetë me të vërtetë kufizues në këtë drejtim, si dhe të jetë një gjë më shumë për të mbajtur."

Pamjet e Verity nga sfida demonstrojnë opsionet krijuese që mund të ofrojnë këta dy objektiva kompaktë dhe peshëlehtë. "Më la pa fjalë cilësia dhe zhdërvjelltësia e këtyre objektivave dhe sa afër mund të fokusohen," - thotë ajo. “Ata hapin mundësi të reja për perspektiva krejtësisht të ndryshme dhe të pazakonta në fotografinë e peizazhit. Mund të shikosh më pranë me plot kuptimin e fjalës dhe madje të shikosh shumë më tepër."



Shkruar nga Matthew Richards