Si i kanë rritur aftësitë me EOS R System katër krijuesit e përmbajtjes dhe fotografët profesionistë

Për shumë nga fotografët dhe krijuesit e përmbajtjes më kreativë të ditëve të sotme, kalimi i pajisjeve të tyre në Canon EOS R System ka qenë revolucionar. E hedhur në treg në vitin 2018, gama e kamerave pa pasqyra dhe objektivëve RF për EOS R System vazhdon të rritet në mënyrë të qëndrueshme. Kjo do të thotë se ekziston gjithmonë një model i përsosur ku të përmirësohesh, nga sensori kompakt APS-C Canon EOS R100 e deri te EOS R6 Mark II – një kamerë hibride me kuadër të plotë.

Këtu, katër fotografë profesionistë ndajnë se si i kanë përmirësuar si kurrë më parë karrierat dhe aftësitë e tyre duke kaluar tek EOS R System. Çdo krijues imazhi është unik dhe specializohet në fusha të ndryshme, por kompleti EOS R System kombinon teknologjinë me përdorimin e thjeshtë dhe u jep atyre të gjitha veçoritë që u duhen për të pasur sukses dhe për të vazhduar përpara.

Verity Milligan, rezidente në Mbretërinë e Bashkuar, njihet më së miri për fotografimin e peizazheve atmosferike. Pas katër vitesh produktive me kamerën e saj Canon EOS 5D Mark IV, ajo kaloi në EOS R System. "Me gamën e përshtatësve që ofrohen, përmirësimi në EOS R5 ishte zgjedhje e qartë", - thotë ajo. "Veçoritë e fokusimit automatik bëjnë të mundur konfigurimin e thjeshtë të kamerës për çfarëdo detyre të planifikuar për atë ditë. Kjo është veçanërisht e vërtetë për personat që merren me fotografimin. Metoda AF për zbulimin dhe gjurmimin e fytyrës është një nga modalitetet e mia të preferuara."

Verity është gjithmonë në kërkim të kompozimeve mahnitëse dhe veçoria e EOS R5 që ajo përdor më shumë është ekrani LCD me prekje dhe me kënd të ndryshueshëm me 2,1 milionë pikëza. "Fakti që mund ta kthej, ta rrotulloj ose ta manipuloj në gati çdo kënd që më nevojitet është shumë i dobishëm dhe është diçka që e ka përmirësuar përvojën time të fotografisë", - thotë ajo.

Për të ishte bindëse dhe zgjedhja e objektivëve RF. "Objektivi që ka ndryshuar gjithçka është Canon RF 28-70mm F2L USM. Hapja konstante dhe mundësia për të shkrepur në f\2 në të gjithë gamën nënkuptonin që objektivi i kishte zëvendësuar përfundimisht të gjithë objektivët fiksë EF që kisha." Verity tani është e interesuar për objektivin Canon RF 70-200 mm F2.8L IS USM. Përveç kësaj, shtimi i objektivit Canon RF 15-35MM F2.8L IS USM në çantën e saj të kompleteve do t'i jepte opsionin e zgjatjes së diapazonit të gjatësisë fokale në të dyja drejtimet.

Duke qenë shpesh në lëvizje dhe duke krijuar përmbajtje luksoze nga udhëtimet, Diana Millos i nevojitet që kamera e saj të jetë portative. Në vitin 2022 ajo kaloi në kamerën Canon EOS R10 për madhësinë e saj kompakte dhe fokusimin e shpejtë automatik. "Arrita rezultate të shkëlqyera me Canon EOS 7D Mark II, por shkrepja e çdo fotografie në fokus të përsosur nuk ishte aq e thjeshtë dhe e shpejtë sa me EOS R10", - thotë ajo. "Jam e fiksuar me teknologjinë e zbulimit të syve dhe nuk mund të jetoj më pa të."

EOS R10 trashëgon të njëjtin sistem Dual Pixel CMOS AF II si kamerat më të avancuara EOS R System, siç është EOS R3. Kamera gjithashtu mund të fokusohet deri në -4 EV, duke i mundësuar Dianës fotografimin e imazheve të mprehta në dritë të ulët. "Kur jeni duke shkrepur fotografi nga lindja deri në perëndimin e diellit dhe duke eksploruar për orë të tëra, pasja e pajisjeje me peshë të lehtë është zgjedhja ideale", - thotë ajo. "EOS R10 mund të vendoset në një çantë dore dhe kjo më ndihmon që të mos tërheq shumë vëmendje, në mënyrë që të tjerët të mos e kuptojnë që unë po shkrep fotografi mahnitëse me një kamerë kaq të vogël."

Diana e adhuron fotografimin me një perspektivë me kënd të gjerë dhe nuk kishte pse t'i ndërronte objektivët e saj EF kur ndryshoi kamerën. "Mundem t'i përdor ende objektivët Canon EF 50 mm f/1.8 STM dhe Canon EF-S 10-18 mm f/4.5-5.6 IS STM me EOS R10 përmes Canon Mount Adapter EF-EOS R dhe objektivët funksionojnë në mënyrë të përsosur", - thotë ajo. Nëse po kërkoni për ekuivalentë të objektivëve RF, mund të zgjidhni midis Canon RF 50 mm F1.8 STM dhe Canon RF-S 10-18 mm F4.5-6.3 IS STM. Diana deri tani ka vetëm një objektiv RF – objektivin e kompletit Canon RF-S 18-45 mm F4.5-6.3 IS STM – por ka përdorur objektivë të tjerë RF kur ishte në një seancë fotografimi gjatë udhëtimit në Sevilie dhe thotë se i pëlqente fakti se sa të qarta ishin fotografitë.

EOS R10 mund të transmetojë drejtpërdrejt, veçanërisht në YouTube dhe krijimi i përmbajtjes video është një mënyrë tjetër me anë të së cilës Diana i ka shtuar ndjekësit e saj. "Kamera më lejon të fotografoj në HD dhe 4K me rezultate të pabesueshme", - thotë ajo. "Ia rekomandoj çdo krijuesi. Më pas, dua të shtoj Canon EOS R6 Mark II, për shkak të veçorive të kuadrit të plotë që zotëron."

EOS R50 është gjithashtu një opsion i shkëlqyer nëse dëshironi të regjistroni video me cilësi të lartë për kanalet tuaja të mediave sociale. Mund të zbuloni ndryshimet kryesore midis EOS R50 dhe EOS R10 në udhëzuesin tonë të dobishëm për t'ju ndihmuar të merrni vendimin e duhur.

Andres McNeill, rezident në Glasgow, Skoci fotografon punë komerciale, portrete dhe sporte, por ai është i dhënë pas fotografisë së rrugës, duke përdorur si sfond arkitekturën dramatike. Ai ka kujtime të bukura nga koha kur provoi një kamerë të vjetër Canon DSLR të një miku të tij dhe i pëlqeu mënyra se si ajo dukej dhe si e ndjente në duart e tij. "Canon EOS 400D ishte kamera ime e parë dhe e mbaja kudo me vete teksa mësoja se si të fotografoja", - ndan ai. "E pëlqeja Canon EOS M50 për formën e vogël dhe të njëtrajtshme, fokusimin e mrekullueshëm automatik dhe cilësinë fantastike të videos."

Andres kaloi në Canon EOS R System kur dëshiroi që të kthehej në profesionist. Canon EOS R5 dhe Canon EOS R6 me kuadër të plotë e lejuan menjëherë që të fokusohej te ndriçimi dhe kompozimi. "Aftësia për të gjurmuar sytë dhe fytyrat e subjekteve nga ana tjetër e rrugës është një zgjidhje e përsosur, pasi kjo më lejon që të përqendrohem në aspekte të tjera të shkrepjeve të mia", - thotë ai. "Të kesh fokusim automatik të besueshëm dhe shpejtësi të larta të shkrepjes në seri është gjithashtu një zgjedhje e qartë kur punon me sportistë profesionistë."

Të dyja kamerat ofrojnë stabilizim imazhi të integruar (IBIS) me 5 akse, që zgjatet deri në 8 nivele me objektivë të përputhshëm dhe kjo i mundëson Andres që të punojë në hapësira me ndriçim të ulët pa stativ. "Të jesh i aftë të bësh fotografi rruge me shpejtësi të ulëta të obturatorit teksa e mban kamerën në dorë është e pabesueshme", - thotë ai.

Andres ka një përzierje të objektivëve RF dhe EF, por gradualisht ka kaluar plotësisht tek objektivët RF. "Më pëlqen elementi i formës së vogël të objektivit Canon RF 50 mm F1.8 STM pasi është e përsosur për fotografinë e rrugës dhe apertura e shpejtë f/1,8 është e mrekullueshme për skenarët me dritë të ulët, pasi më pëlqen të fotografoj gjatë muzgut ose gjatë natës", - shpjegon ai. "Objektivi tjetër që përdor është Canon RF 24-105 mm F4-7.1 IS STM, i cili është një objektiv i mrekullueshëm i gjithanshëm. Aftësia për të kaluar në pamje të gjera me 24 mm deri në 105 mm është shumë e volitshme, veçanërisht në fotografinë e rrugës, pasi është mirë që të shkrepësh një fotografi të gjerë dhe më pas të zmadhosh në po të njëjtën skenë dhe të kapësh një pamje tjetër." Andres përdor gjithashtu objektivin Canon RF 100 mm F2.8L MACRO IS USM për të cilin thotë se është jashtëzakonisht i mprehtë. "Është objektivi im i zakonshëm për fotografinë e produkteve dhe të punës profesionale që kërkon shumë detaje", - shton ai.

Por Andres thotë se objektivi i tij kryesor i punës është Canon RF 24-70MM F2.8L IS USM. "Unë e përdor këtë për evente, për dasma dhe për fotografinë e rrugës", - thotë ai. "Diapazoni i gjatësisë fokale prej 24-70 mm me një aperturë të shpejtë f/2,8 është kombinimi më i mirë."

Drejtori, videografi dhe fotografi Chris Priestley, i cili është rezident në Londër, krijon pamje vizuale cilësore për kanalet sociale dhe markat rreth botës. Ai është vazhdimisht në përpjekje për të përmirësuar përmbajtjen dhe kamerat e tij. "Kompleti im më ndihmon të arrij rezultate që kërkojnë buxhet të madh", - thotë ai.

Ashtu siç ka përparuar karriera e Chris, po ashtu kanë përparuar dhe kërkesat e klientëve. "Po më kërkohej vazhdimisht që të ofroja video në 4K dhe imazhe me cilësi më të lartë për printim në kohën kur informacioni për EOS R5 po bëhej zyrtar," - thotë ai, "Kështu që ishte koha perfekte për t'u përmirësuar."

Ai shpesh fotografon dhe regjistron video në të njëjtën kohë dhe EOS R5 hibrid ofron performancë optimale në të dyja fushat. "EOS R5 mund të shkrepë në 8K 30p – ende nuk më duhet ta përdor këtë, por unë përdor rregullisht 4K 120p me kuadër të plotë", - thotë ai.

Sensori 45 MP i EOS R5 është një përfitim shumë i madh dhe më shumë se dyfishi i objektivit të mëparshëm DSLR. "Në situatat kur nuk mund ta kontrolloj subjektin, nuk e kam gjithmonë privilegjin që ta inkuadroj shkrepjen në mënyrë perfekte", - vazhdon ai. "Rezolucioni më i lartë më jep mundësinë që t'i inkuadroj sërish shkrepjet e mia gjatë fazës pas fabrikimit dhe të ofroj ende imazhe me cilësi të lartë."

Për disa të tjerë, Canon EOS R System ka ripërcaktuar se çfarë do të thotë të jesh një fotograf dhe krijues. Duke ofruar një gamë modelesh ekonomike për fillestarë e deri te kamerat më të mira dhe të përparuara, plus një komplet xhamash optikë të avancuar, sistemi mund të rritet bashkë me ju duke iu përshtatur nevojave tuaja, pavarësisht nëse jeni duke hedhur hapat tuaj të parë në regjistrimin e videoblogimeve apo jeni duke u përpjekur të hyni në botën e fotografisë profesionale dhe jeni në kërkim të kamerës tjetër më të fuqishme.