Shkrepja e sharmit të vjeshtës nga një perspektivë e re

Pa pasur mundësinë t'i shihte kompozimet në kohë reale, Theo-s iu desh të mbështetej në prova të vazhdueshme, por e dinte se kishte disa gjëra që mund të bënte për të përmirësuar shanset. "Më pëlqen të shkrep gjithnjë me modalitet "Aperture Priority (Përparësi aperture)", pasi kam besim te fakti që kamera do të kapë shpejtësinë e duhur të shkrehësit për mua. Gjë që më lë të loz me thellësinë e fushës, që është e rëndësishme në fotografinë e peizazheve dhe atëherë kur do të nxjerrësh shumë detaje," - thotë ai.

"Nën ujë nuk më duhej ndonjë thellësi e madhe fushe, kështu që mund ta mbaja aperturën të hapur deri në fund për të marrë më shumë dritë. Vetëfokusimi i kamerës ishte vërtet i qëndrueshëm dhe një nevojë absolute, dhe mësova t'i afrohem sa më shumë të ishte e mundur subjektit, sidomos kur uji nuk ishte i qartë. Mësova gjithashtu se një objektiv këndgjerë sjell rezultatet më të forta."

Për ata që nuk janë të sigurt nëse ia vlen të kridhen në këto ujëra, keni shumë potencial mbi ujëra për të shuar etjen tuaj vjeshtanake. "Njerëzit shpesh kërkojnë për ato peizazhet epike, dhe shpenzojnë tërë kohën duke pritur për ndriçimin 'e duhur', por mua më pëlqen të përqendrohem në detaje, që janë po aq e në mos më shumë interesante," - thotë ai. Gjethet e rëna, lendet, frutat e ndezura të pyllit dhe kërpudhat janë të gjitha subjekte ideale vjeshtore, që varen më pak nga ndriçimi i duhur apo moti. "Thjesht shikoni përtokë dhe shumë shpejt do të gjeni shumë gjëra interesante – me detajet opsionet i keni pa kufij."

Fjala "detaje" mund të sjellë në mendje idenë e makrofotografisë - dhe shumë kamera kompakte kanë aftësi shumë të mira makroje – por Theo e ka fjalën që thjesht fokusimi në ndonjë aspekt të skenës përpara jush, në vend të të gjithë pamjes. "Më pëlqen të përdor objektivin "Canon EF 70-200mm f/2.8L USM" për t'u fokusuar në diçka, p.sh. pjesë të ndonjë peme, dhe thjesht e zmadhoj a zvogëloj pamjen për të veçuar atë që më bën punë," - thotë ai. "Të njëjtën gjë mund ta bëni me një kamerë kompakte – thjesht punon çfarë kamere ke."

Puna me atë që ke duket se vlen dhe në rastin e motivi, pasi Theo është shumë përtej fotografit të ditëve të kthjellëta. Ai pohon se nuk "mot të keq" në fotografinë e natyrës, vetëm rroba të këqija (ose mangësi në mbrojtjen e kamerës – pasi jo të gjitha kamerat janë njësoj ujëduruese, ndaj dhe mund të jetë mirë të investohet në një veshje të përshtatshme apo qafore objektivi). Ai thotë: "Është ide e mirë të shikoni parashikimin e motit dhe të planifikoni që herët, por cilido lloj moti ka ato shanset e veta – thjesht duhet të mendoni jashtë kornizave të zakonshme. Pas shiut, ngjyrat janë më të forta. Moti me erë mund të pengojë ekspozimet e gjata kur ju duhet të shkrepni poza të qarta të gjetheve apo të gjërave të tjera në lëvizje, por këtë mund ta shfrytëzoni në të mirën tuaj sakaq dhe të realizoni pamje më impresioniste të këtyre subjekteve në lëvizje. Kushtet me mjegull krijojnë një atmosferë fantastike. Dhe pastaj janë dhe ato mëngjeset e bukura me mjegull dhe vesë e dritën e larme të diellit. Jam shumë i paduruar sa të rri të pres për 'dritën e duhur' ndaj dhe nëse drita nuk më bën punë për një gjë, filloj të kërkoj gjë tjetër për të fotografuar."

Sado që është adhurues i vjeshtës, Theo thotë se krijimtaria shfaqet së tepërmi dhe gjatë periudhave kalimtare të stinëve. "Fotografoni gjëra si p.sh. lulet verore në fund të ciklit të tyre tek ngrenë kokë përmes gjetheve të rënë, ose mbani një vesh nga parashikimet e motit për dëborën e parë, pasi kur kjo bie mbi ngjyrat e vjeshtës, krijon një kombinim të fuqishëm të stinëve," - thotë ai.

Projekti "Autumn Leaves" i Theo-s është publikuar gjerësisht dhe madje ka fituar dhe një çmim si fotograf premtues në kategorinë "Creative Visions (Vizione krijuese)" në konkursin e fotografit të vitit për natyrën e egër të 2013, për njërën prej fotove. Por ashtu si me shumë fotografë që kërkojnë vëmendje në rrjetet sociale si gjethet mbi tokën e pyjeve, ai thotë se gjetja e një perspektive të re është mënyra për t'u dalluar nga të tjerët. "Mund të udhëtosh në vende nga më të paarritshmet dhe të nxjerrësh foto të mrekullueshme, por shumica e redaktorëve nuk u kushtojnë fare rëndësi, përveç nëse janë vërtet të veçanta në ndonjë mënyrë," - thotë ai. "Vërtet mendoni: 'Çfarë mund të bëj që të pasuroj më tej atë që ekziston tashmë?'"

Shkruar nga Natalie Denton