Një shkrepje njëditore me një profesionist të sporteve me aksion

Fiksimi i aksionit me lëvizje të shpejtë mund të jetë një sfidë e frikshme kur sa je duke filluar me fotografinë. Çfarë cilësimesh të kamerës duhet të përdorësh? Si duhet të fokusosh objektivin? Çfarë teknikash japin rezultate të mprehta brisk?

Deborah, një fotografe e re dhe entuziaste i sporteve me aksion nga Lioni, Francë mezi priste të merrte disa përgjigje.

"Kam pasur vërtet vështirësi me fokusimin dhe inkuadrimin," - shpjegon ajo. "Dua të mësoj teknikat e duhura për ta nxjerrë të mprehtë subjektin tim dhe si të zgjedh këndin ideal kur është fjala për shkrepjen e aksionit.

Për të ndihmuar Deborah-ën të përshpejtojë fitimin e aftësive të saj në fotografinë e aksionit, ne e lidhëm me përfaqësuesin e nderit të Canon dhe fotograf të çiklizmit malor, Jean-baptiste Liautard (Jb), në një shkrepje plot akrobaci me çiklistin malor francez të stileve në pjerrësi, Jéremy Berthier.

Jb normalisht shkrep me një Canon EOS R5, por për të provuar se nuk ju duhet një komplet profesional për të nxjerrë foto me pamje profesionale, dyshes iu dha një Canon EOS RP dhe një objektiv Canon RF 35mm F1.8 Macro IS STM me të cilin të punojnë.

Zbuloni se si u ka bërë Deborah ballë sfidave dhe lexoni këshillat kryesore të Jb për shkrepjen e aksionit.

"Nëse kamera juaj nuk ka një shpejtësi shumë të lartë shkrepjeje të vazhduar, do t’ju duhet të shtypni butonin e shkrehësit në çastin e duhur,” - thotë Jb. "Kur di pak për sportin është diçka që të ndihmon shumë në këtë aspekt. Flitini gjërat me sportistin dhe diskutoni se çfarë stilesh do të bëjë, si do të ecë, në çfarë këndi mendon ai se do të duket më mirë aksioni.”

Deborah është dakord: "Jb më shpjegoi se sa e rëndësishme është komunikosh me njerëzit me të cilët punojmë që të mund t’i tregojmë njëri-tjetrit pritshmëritë tona. Sfida më e madhe që kisha në shkrepje ishte t’ia dilja mbanë me shpejtësinë e subjektit tim. I arrita në fund duke analizuar ushtrimet e Jeremy-së që të mund të parashikoja momentin e duhur për të shtypur lirimin e shkrehësit në përpjekjen vijuese".

Mos harroni të përdorni dhe teknologjinë e kamerës në avantazhin tuaj. Kombinimi i komunikimit të mirë me subjektin dhe i cilësimit më të shpejtë motorik të kamerës do t’ju japë një shans më të mirë për të shkrepur momentin kur të gjithë elementet bëhen bashkë në një pozë mahnitëse aksioni. "Pasja e fleksibilitetit për të regjistruar një sekuencë pozash që mund ta ndash me sportistin për të zgjedhur kuadrin më të mirë është me të vërtetë e rëndësishme, sepse pozicioni dhe aksioni duhet të konsiderohen si perfektë nga të dy anët e kamerës", - shpjegon Jb.

Ndërsa nuk mund ta kontrolloni dot motin, duhet të bëni më të mirën për të mos ia lënë rastësisë aspektet e tjera të shkrepjes suaj, thotë Jb. "Mundohuni t’u paraprini problemeve dhe të kontrolloni sa më shumë gjëra të jetë e mundur. Për shembull, kishte rënë shumë shi në ditët përpara kësaj shkrepjeje, kështu që ngritja në njërin nga kërcimet ishte shumë e lehtë. Për t’i dhënë drejtim kësaj, ne gërmuam në buzë të vendit të kërcimit dhe ndezëm një zjarr brenda që balta të thahej në harkun e pak orëve.

Një aspekt i shkrepjeve të sporteve me aksion që është relativisht i kontrollueshëm është zgjedhja e rrobave të sportistit. "Mundohuni të gjeni ngjyra që punojnë në harmoni ose që shtojnë kontrastin. Nëse keni një sfond të gjelbër, për shembull, mund të zgjidhni rroba të kuqe ose të bardha për ta nxjerrë në pah sportistin.

Përzgjedhja e një shpejtësie të përshtatshme të shkrehësit ishte jetike në këtë shkrepje. "Çiklizmi malor është ndoshta një nga sportet më të shpejta që mund të shkrepni,” - thotë Jb. "Rrotat kthehen aq shpejt sa është e vështirë t’i nxjerrësh të qarta telat e disqeve në shpejtësi shkrehësi më të ulët se 1/800 sek. Nëse keni dritë të mjaftueshme, do të rekomandoja 1/1000 sek si një minimum. "

Caktimi i një shpejtësie kaq të lartë të shkrehësit mund të bëhet problem kur nivelet e dritës ulen, por nëse përdoret objektiv “i shpejtë” me një aperturë të madhe maksimale, si p.sh. Canon RF 35mm F1.8 Macro IS STM, mund të keni më shumë opsione. "Mund t’ju duhet të jini fleksibël me aperturën dhe ISO për të marrë një ekspozim të mirë në shpejtësi të lartë të shkrehësit," - shpjegon Jb. "Ndonjëherë mund të mos dëshironi të shkrepni në aperturë maksimale në një situatën ndriçimi të ulët, pasi kërkoni që plani i parë të jetë pak më pak i turbullt. Në këtë rast, rritja e ISO ju lejon ta fiksoni aksionin.”

Pavarësisht kësaj, Jb rekomandon ta mbani ISO sa më të ulët të jetë e mundur për të arritur cilësi optimale të figurës, ndaj Deborah filloi me ISO 100. "Pastaj zgjodha një shpejtësi të lartë shkrehësi", - thotë ajo. "Dhe rregullova aperturën me ISO për të marrë ekspozimin që desha.”

Futja në fokus e një sportisti me lëvizje të shpejta është një nga sfidat kryesore në fotografinë sportive. Jb këshillon që, ndonëse kamera me vetëfokusim të shpejtë shpeshherë është e paçmuar në shkrepjen e aksionit, përdorimi i fokusit manual mund t’ju japë rezultate konsistente kur përballeni me një stil të parashikueshëm dhe të përsëritur sportiv.

"Kur e njihni sportin dhe e dini me saktësi se ku do jetë sportisti në pikën më të lartë të stilit, atëherë mund ta parafokusoni objektivin në atë pikë", - thotë ai. “Për t'i bërë gjërat më të lehta, kërkojuni që të mbajnë pozicionin, poshtë vendit ku do të bëhet stili, pastaj zmadhojeni imazhin e Live View me 10x që të mund të fokusoheni me saktësi mbi ta." Distanca fokale e aksionit nga objektivi nuk duhet të ndryshojë nëse kamera qëndron në të njëjtin kënd dhe për këtë arsye nuk ndikon në fokus. Megjithatë, nëse kamera është e anuar për lart, distanca e fokusimit do të ndryshojë dhe do të dalë jashtë fokusit nëse thellësia e qartësisë është mjaftueshëm e vogël.

"Nëse aksioni është i paparashikueshëm, si p.sh. me çiklizmin malor në të tatëpjetë, atëherë do të përdorja më mirë vetëfokusimin Servo."

Deborah thotë se i janë dashur disa përpjekje për t’u siguruar që fotot të kenë fokusim të mprehtë pasi nuk është mësuar me këtë teknikë. "Para aksionit e caktova vetëfokusimin në një objekt që ishte në të njëjtën distancë ku prisja të ishte Jéremy në kulimin e stilit të vete, pastaj e kalova objektivin në fokus manual që të mos ndryshonte pozicion," - thotë ajo.

Jb i mësoi Deborah-së rëndësinë e të menduarit të pavarur kur gjërat nuk dalin siç i prisje. "I shpjegova se dua të kem detajet e planit paraprak, si p.sh. degët dhe gjethet, në fotot e mia pasi i shtojnë thellësi dhe një cilësi trepërmasore," - thotë ai. "Kishte ca bar mes të cilit doja të shkrepja por ishte shumë poshtë dhe një gardha para vendit të kërcimeve do të ma kishte penguar pozën nga këndi i ulët. Për t’i dhënë zgjidhje kësaj thjesht ngritëm ca bar lart dhe e mbajtëm para objektivit.”

Për Deborah-n kjo ishte një teknikë e re. "Duke përdorur barin ose pemët për të fshehur detaje që nuk i desha në foton time ose për të krijuar një kompozim më të mirë, ishte diçka tepër e thjeshtë për t’u menduar, po që nuk e kisha provuar ndonjëherë më parë deri në këto shkrepje," - sqaron ajo. "Jb më tha të mos hezitoj për të eksploruar të gjitha pikat për të gjetur këndin ideal – dhe që të mos planifikoj t’i jap zgjidhje me redaktimin më vonë, por të përdor dhe modifikoj sa më shumë ambientin përpara se të shkrep foton.”

Me gëzim Deborah doli me disa foto mahnitëse sportesh me aksion – dhe urojmë që këshilla e Jb t’ju ndihmojë edhe me pozat tuaja të stileve të tilla.

Shpjereni fotografinë tuaj të aksionit një shkallë më tej me këto teknika më të avancuara nga Jb*.

* Ofrohet vetëm në gjuhë të zgjedhura.



Shkruar nga Marcus Hawkins