Cilësi fantastike figure në kushte jo dhe aq fantastike

Në zemër të "EOS R6" do të gjeni teknologji të përbashkëta për kamerën tonë kryesore "EOS-1D X Mark III". Një sensor CMOS 20,1-megapikselësh dhe procesori DIGIC X punojnë së bashku për të realizuar cilësi të shkëlqyer figure, si dhe pikselët përmasëmëdhenj të sensorit ofrojnë një balancë ideale mes rezolucionit, rendimentit në ndriçim të ulët dhe diapazonit dinamik, që do t'jua bëjë fotografinë të këndojë. Qoftë kur shkrepni portrete, peizazhe, natyrë apo udhëtime, "EOS R6" ofron figurë që është dukshëm më e mirë.

Nivelet e zhurmës dixhitale mbahen të ulëta përgjatë diapazonit normal ISO të kamerës, deri në një maksimum ndjeshmërie ISO prej 102,400 (e zgjerueshme deri në ISO 204,800), duke ju ndihmuar të shkrepni pamje mahnitëse edhe nëse nivelet e ndriçimit janë të dobëta. Një diapazon i gjerë dinamik ndihmon të ruani detajet në pjesët shumë të shndritshme dhe më të errëta të një skene kur shkrepni në kushte kontrasti të lartë.

"Canon EOS R6" vjen me fotostabilizim të integruar me pesë akse (shkurtimi: IBIS) që ofron mbrojtje ndaj lëkundjeve të kamerës gjatë shkrepjes me objektiva të montuar në të. Sensori ofron korrigjim të rrotullimit anash, majtas-djathtas dhe lart-poshtë, ndaj të gjithë objektivat EF dhe RF përfitojnë nga ky korrigjim i ri me 5 akse si për filmuesit, ashtu edhe për fotografët. Por, kur vendoset një objektiv i pajtueshëm RF¹ me fotostabilizim, kamera dhe sistemet e stabilizimit të objektivit kombinohen, kompensojmë së bashku për lëvizjen lart-poshtë dhe krijojnë një sistem inteligjent stabilizimi që ofron performancë figure të niveleve të reja.

Mbërthyesja RF vjen me diametër të gjerë, duke i mundësuar sensorit brenda EOS R6 të lëvizë më tej brenda rrethit të figurës të krijuar nga objektivi. Për pasojë objektivë të caktuar pa fotostabilizues optik mund të përfitojnë nga sistemi me deri në 8 nivele.

Kur përdorni objektivë RF me fotostabilizator¹, fotostabilizatori i integruar komunikon në kohë reale me shpejtësi të lartë me mbërthyesen për të bashkëpunuar dhe për ta korrigjuar dridhjen me efikasitet dridhjen e kamerës, duke përfshirë rastet si pasojë e frymëmarrjes, ecjes apo thjesht mbajtjes së kamerës. Korrigjimi i lëvizjes së frekuencës së ulët dhe të lartë në këtë mënyrë arrin nivele të reja stabilizimi dhe mund të japë avantazh mahnitëse me deri në 8 nivele².

Së bashku me skedarët JPEG dhe CR3 RAW tani mund të shkrepni në skedarë High Efficiency Image Format (HEIF) të gjeneratës së re me anë të "Canon EOS R6". Skedarët HEIF ofrojnë cilësi më të mirë se skedarët JPEG, por me afro të njëjtën madhësi skedari dhe me më pak artefakte. Ky format që do t'i rezistojë së ardhmes lejon ngjyra 10-bitëshe për diapazon më të lartë dinamik, si dhe shkrepjen e pamjeve HDR PQ.

Mbështetja për skedarët HEIF po rritet me kalimin e kohës. Ato mund të modifikohen me aplikacione të mirënjohura imazherie në kompjuter/Mac po njësoj si skedarët JPEG. Skedarët HEIF mund të procesohen dhe brenda kamerës për të nxjerrë skedarë standardë JPEG që në vijim i ruani në kartën SD.

Është shtuar një opsion "Clarity" në menynë "Picture Styles" të kamerës dhe në funksionin e procesimit të RAW brenda kamerës. Ky rregullon mikrokontrastin në foto e video, duke përforcuar (ose zbutur) relievin dhe qartësinë e kontureve. Qartësia mund të rregullohet me ±4 nivele dhe është sidomos efikase në përforcimin e detajeve në peizazhe apo në zbehjen e tipareve të fytyrës, si p.sh. rrudhat, në portrete.

Teknologjia e optimizuesit të integruar të objektivit elektronik (DLO) ndihmon që objektivi të arrijë maksimumin e vet duke reduktuar efektin e dukurive optike natyrore, si p.sh. shmangien dhe rënien e dritës, si dhe efektin e lehtë zbutës të filtrin optik me kalim të ulët tek "EOS R6". Rezultatet janë spektakolare dhe mund të përdoren si në kamerë (gjatë shkrepjes apo më pas) ose dhe pas produksionit, duke përdorur programin "Digital Photo Professional". Ofrohen dy nivele DLO: standard dhe i lartë.

Teknologjitë e përmirësuara "Auto Lighting Optimizer (ALO)" dhe "Highlight Tone Priority+" u mundësojnë fotografëve të shkrepin skedarë JPEG dhe HEIF me diapazon të zgjeruar dinamik. Kjo është fantastike për ruajtjen e detajeve në pjesët me ndriçim të lartë dhe hijet e errëta në fotot që dalin drejtpërdrejt nga kamera. Kur shkrepni portrete, fytyrat mund të ndriçohen me lehtësi në kamerë pas shkrepjes së fotos, për rezultate fantastike.