Fokusim i shpejtë, i saktë dhe i qëndrueshëm

Teknologjia Canon Dual Pixel CMOS AF është me emër në fushën e fotografisë si një sistem në të cilin mund të mbështeten regjisorët dhe fotografët profesionistë. EOS R5 C trashëgon një variant të përmirësuar të këtij sistemi me Eye AF dhe EOS iTR AF X. Kjo teknologji përdor një algoritëm të avancuar vetëmësimi të thelluar që i njeh fytyrat me saktësi, duke përfshirë rastet kur duket vetëm njëri sy, dhe e gjurmon subjektin edhe nëse ky e heq shikimin nga kamera.

EOS R5 C vjen me të njëjtat cilësime ekskluzive të vetëfokusimit që hasen te kamerat Cinema EOS, si p.sh. njohjet Face Only dhe Face Priority, për të siguruar që kamera t'u përgjigjet ndryshimeve në skenë sipas synimit. Rregullimet e imëta në shpejtësinë dhe reagimin e vetëfokusimit mund të bëhen gjithashtu për të kryer tërheqjet e ngadalëta kinematografike ose vetëfokusimet e çastit për aksion të ritmeve të larta.

Sistemi Canon Dual Pixel CMOS AF mund të përdoret edhe kur përdoruesi i kamerës përdor fokusin manual. Udhëzuesi i fokusit është një funksion i saktë dhe novator që informon operatorin nga ana vizuale nëse subjekti është me fokus nga përpara apo nga mbrapa. Kur udhëzuesi i fokusit në ekranin LCD ose në inkuadrues bëhet i gjelbër, është arritur fokus manual i qartësisë maksimale.