Teknologji e avancuar vetëfokusimi

Kudo që t'ju pozicionohet subjekti "EOS R5" mund ta gjejë dhe të fokusohet mbi të me shpejtësi, duke përdorur 5940 zona vetëfokusimi që mbulojnë thuajse 100% të kuadrit. Këto zona fokusimi mund të përdoren së bashku, veçmas apo dhe në zona që mund të lëvizen nëpër kuadër sipas vendit ku ndodh aksioni.

Pikat e vetëfokusimit mund të zgjidhen me një multikomandë të posaçme mbrapa kamerës ose duke përdorur ekranin me prekje – duke e prekur kur është në modalitet pamjeje të drejtpërdrejtë ose duke e përdorur si bllok prekjeje kur e keni kamerën në sy.

Sistemi i vetëfokusimit EOS ITR AF X te EOS R5 është programuar duke përdorur inteligjencë artificiale me trajnim të thelluar, të krijuar fillimisht për kamerën tonë revolucionare EOS-1D X Mark III DSLR. Në modalitetin e pikasjes së fytyrës/syve, sistemi i njeh me saktësi fytyrat, duke përfshirë ato në profil ku dallohet vetëm njëri sy. Kjo siguron që subjektet të mbahen të qarta edhe kur lëvizin paparashikueshëm dhe kur ka thellësi të ulët pamjeje. Dhe nëse personi kthehet ndryshe për një çast, koka e tij vijon të gjurmohet që fytyra të jetë e qartë kur të kthehet sërish nga kamera.

Për më tej inteligjenca artificiale me trajnim të thelluar e EOS R5 është programuar me aftësinë për të njohur e gjurmuar automjetet, si edhe macet, qentë dhe shpendët – duke u fokusuar ose në trupat, fytyrat, ose në sytë e tyre. Kjo e bën fotografimin e sporteve dhe të kafshëve më të lehtë se kurrë më parë, sidomos për subjekte si p.sh. zogjtë në fluturim. Kur fotografohen sportet motorike EOS R5 mund të njohë motorët dhe makinat e garave, madje dhe të dallojë mes kabinës së hapur dhe të mbyllur, duke treguar kokoren e pilotit kur është e dukshme.

"EOS R5" mund të fokusohet në vetëm 0,05 sek – një arritje që kryeson kategorinë për kamerat kuadërplota pa pasqyrë.¹ Vetëfokusimi është gjithashtu funksional në nivele ndriçimi aq të ulëta sa -6EV,² që përkon thuajse me ndriçimin që jep gjysmëhëna.

Kjo ndjeshmëri e pabesueshme ndaj dritës i mundëson "EOS R5" të fokusohet me apertura maksimale prej vetëm f/22, duke u mundësuar telekonvertuesve të përdoren me objektiva aperture relativisht të ngadaltë, dhe objektiva supertelefoto shumë kompaktë si p.sh. "RF 600mm F11 IS STM" dhe "RF 800mm F11 IS STM".

Përsosni ose anashkalojeni fokusin manualisht kur jeni në modalitetin AF pa pasur nevojë të lëvizni ndonjë çelës. E preferuar për përdoruesit e objektivave të mëhershëm EF USM, kjo karakteristikë është rimenduar për objektivat RF dhe gjeneratën e tyre më të re të motorëve fokusues.

EOS R5 tani përfshin Case A, që zgjedh automatikisht një prej katër rasteve të vetëfokusimit specifike sipas subjektit, në përputhje me çfarë po fotografohet.

Kur fokusoni manualisht mund të përdoren tri mënyra ndihmese fokusimi, për të garantuar që pika kritike e fokusit të jetë pikërisht aty ku e dëshironi.

• Focus Magnification
Duke zmadhuar figurën, fillimisht me 6-fish në vijim me 15-fish, do të keni mundësi ta shihni më mirë figurën dhe të gjykoni për fokusin.

• Focus Peaking
Skajet në pjesët në fokus të skenës ravijohen sipas ngjyrave që zgjidhni.

• Dual Pixel Focus Guide
Vërejtur fillimisht në kamerën tonë "Cinema EOS C300 Mark II", "Dual Pixel Focus Guide" përdor teknologjinë "Dual Pixel CMOS AF II" për të matur saktë distancën e subjektit nga kamera dhe për ta krahasuar këtë me cilësimin aktual të fokusit manual. Një udhëzues grafik tregon nëse pikëfokusimi është përpara apo mbrapa, vlerën e matura nga kamera dhe bëhet i gjelbër kur dy vlerat përkojnë, duke treguar kështu fokusim të përpiktë.

Sistemi e bën më të lehtë tërheqjen manuale të fokusit dhe u jep filmuesve atë përpikëri kritike që u duhet për punë në rezolucionet 4K dhe 8K.

Këto tri mjete mund të përdoren me objektiva të pajtueshme RF, objektiva EF apo kinoobjektiva fokusimi manual.