ARTIKULLI
Nga çasti që e merrni në dorë e kuptoni se "Canon EOS-1D X Mark III" është diçka e veçantë. Projektimi i tij është rezultat i viteve të tëra rafinimi dhe evoluimi, por ndërkaq shfrytëzon dhe teknologji të reja që do t'ju shndërrojnë mënyrën si punoni.
E kemi pajisur "Canon EOS-1D X Mark III" me dy pulte inteligjente – një për shkrepje horizontale; tjetrin për vertikale. Këto aparature revolucionare – që janë të integruara në butonat AF-ON të kamerës – kanë formë e një leve të zakonshme, por sillen më shumë si bllok prekjeje që mund të përdoret për të lëvizur pikat e vetëfokusimit nëpër ekran.
Secili pult është i personalizuar për ndjeshmëri dhe shpejtësi, dhe reagon me intuitë edhe kur mbani doreza. Kamera e çaktivizon vetiu pultin vertikal kur shkrepni horizontalisht për të shmangur lëvizjes e paqëllimshme.
Inkuadruesi optik i "Canon EOS-1D X Mark III" (OVF) është një gëzim më vete. I madh, i shndritshëm dhe i qartë – ju mundëson kompozimin e shkrepjen me instinkt dhe intuitë. Është më komod të përdoret për periudha më të gjata kohe se EVF dhe ju jep një pamje në kohë reale të ngjarjeve që nuk ndikohen nga "vonesa" elektronike.
Ndërfaqja e inkuadruesit inteligjent të "Canon EOS-1D X Mark III" i paraqet informacionet atje ku ju duhen që të informoheni pa u shkëputur nga procesi. Natyrisht që është e personalizueshme, kështu që mund të shfaqni vetëm të dhënat që dëshironi të shihni. Pas komenteve nga fotografët profesionistë të sporteve kjo përmban dhe një orë, që ju ndihmon të jeni në vendin e duhur në kohën e duhur.
Pikat e fokusimit tregohen me një ekran me matricë të kuqe të pikëzuar, që është më i imët dhe më i detajuar se ekranet e barasvlershme në kamerat e tjera të serisë EOS-1D, duke ia bërë më të lehtë shikimin në errësirë.
"Canon EOS-1D X Mark III" është krijuar për t'u bërë ballë vështirësive të fotografisë profesionale, nga përplasjet e gërvishtjet e pajimeve të shtypit deri tek temperaturat e ftohta dhe shirat e shtigjeve në natyrë të egër. Shkrehësi i kamerës është projektuar për 500 000 cikle dhe trupi i tij me aliazh magnezi përdor hidroizolues për mbrojtje nga pluhurat dhe lagështia, që të vijoni me shkrepjen edhe në kohë të keqe. Disa prej butonave të "Canon EOS-1D X Mark III" tani janë të ndriçuar, që të mund t'i shikoni qartë në errësirë.
Procesori i ri DIGIC X në zemër të "Canon EOS-1D X Mark III" nuk është vetëm i fuqishëm, por edhe efikas. Në fakt, me baterinë e dhënë LP-E19, kamera mund të arrijë më se dyfishin e kohës së shkrepjes së modelit të mëparshëm "EOS-1D X Mark II", duke arritur në afro 2850 poza me një ngarkim të vetëm.
EOS-1D X Mark III mbështet gjithashtu bateri më të vjetra LP-E4N, por shpejtësia maksimale e kuadrove mund kufizohet në 14fps.
< Kthehu te përmbledhja e "Canon EOS-1D X Mark III"
Disa momente janë të papërsëritshme. Ikin në të qindtat e sekondës, për të mos u kthyer më. Kapini me anë të "Canon EOS-1D X Mark III" – shikojini ngjarjet të ndodhin në kohë reale përmes inkuadruesit të tij shndritshëm optik, me zero vonesë dhe shkrepeni aksionin në 16 fps pa frikë*
* Shpejtësi maksimale shkrepjeje prej 20 fps në modalitetin e pamjes së drejtpërdrejtë.
Ne e kemi pajisur "Canon EOS-1D X Mark III" me një sensor 20,1 megapikselësh që është më i ndejshëm në kushte ndriçimi të ulët (deri në ISO 102 400) dhe shkrep më shumë diapazon dinamik. Ai punon krah për krah me një procesor DIGIC X për t'ju dhënë cilësi imazhi që është thjesht e jashtëzakonshme - edhe kur kushtet nuk janë të tilla.
Kur kohën nuk e keni në anën tuaj dhe pamjet duhet t'ia dorëzoni klientit sa më shpejt të jetë e mundur, drejtojuni "Canon EOS-1D X Mark III". Lidhjet e tij të avancuara komunikojnë me kabllot "Ethernet" në fushave, rrjetet "Wi-Fi" të stadiumeve, pajisjet inteligjente dhe laptopët, duke ju mundësuar modifikimin, shfletimin dhe transmetimit në çast – ose madje edhe dërgimin e pamjeve direkt te klienti sapo t'i shkrepni.
"Canon EOS-1D X Mark III" është një aparaturë produksioni filmik që nuk bën kompromise dhe që përdor teknologji nga gama jonë "Cinema EOS" për të arritur rezultate të jashtëzakonshme. Është mjeti ideal për gazetarët, producentët e dokumentarëve dhe këdo që punon seriozisht me videon në nivel profesional.
Qoftë nëse jeni në pistë, në fushë apo në gara të mëdha, "Canon EOS-1D X Mark III" i shkrep çastet fluturake me qartësi të habitshme. Algoritmet e vetëfokusimit me vetëtrajnim të thelluar pikasin me zgjuarsi të gjitha llojet e situatave dhe kamera mund dhe të ndjekë fytyrat e sportistëve që mbajnë syze apo kokore.