NA KONTAKTONI
Transformoni biznesin tuaj
DWF: t'i bësh gjërat ndryshe
DWF: t'i bësh gjërat ndryshe
Sfida
DWF LLP është një nga historitë e suksesit në industrinë ligjore në Mbretërinë e Bashkuar duke pasur një rritje të shpejtë nga një punë me katër vete në një punëdhënës biznesi me më shumë se 2 300 njerëz në 13 zyra ndërkombëtare. Kompania synon ta ndërtojë këtë sukses duke u ngjitur në klasifikimet ligjore për t'u bërë një nga 15 firmat më të mira, një synim i cili është më shumë sesa thjesht performancë financiare.
Për Andrew Leaitherland, Partner Menaxhimi dhe CEO, "Mundësia jonë e madhe është që t'i bëjmë gjërat ndryshe." Kjo filozofi informon tre synimet strategjike të kompanisë: të ofrojë shërbim më të mirë për klientin, të punojë me më shumë fitim dhe të sigurojë një mjedis që tërheq stafin më të mirë dhe u jep atyre mundësi të punojnë me potencialin e tyre të plotë. Në një industri të dominuar nga proceset me shumë letra, menaxhimi digjital i printimit dhe informacionit është i domosdoshëm për të arritur këto synime.
"Industria është e zhytur në metodat tradicionale të punës," shpjegon Janice Moores, Menaxhere e Ofrimit dhe Sigurimit të Shërbimit në DWF. "Të kapërcesh proceset me tepër kohë dhe burime që ekzistojnë brenda industrisë ligjore na jep një avantazh konkurrues të madh." Prandaj DWF vendosi të digjitalizojë proceset kryesore të biznesit të tij dhe të krijojë një mjedis pune më elastik. Në terma praktike, i nevojitej të administronte kostot dhe kompleksitetin e prodhimit të deri në 57 milion faqesh të printuara çdo vit. Dhe kompania kishte nevojë gjithashtu t'i përmbahej kërkesave rregullatore të rrepta të industrisë për të mbrojtur të dhënat sensitive të klientit.
"Canon vlerësoi me kujdes për të kuptuar nevojat dhe vizionin e organizatës tonë dhe konsulenca e tij na ndihmoi të identifikonim fushat ku teknologjia mund të na ndihmonte të punonim me zgjuarsi."
Zgjidhja e Canon
Duke punuar ngushtë me DWF, Canon planifikoi një strategji të re për dokumentet duke rindërtuar infrastrukturën e tij të printimit për gjithë biznesin. Prezantoi akses të lëvizshëm dokumentesh, printim të lëvizshëm dhe një dhomë poste digjitale që digjitalizon dhe siguron automatikisht të gjitha dokumentet e postuara direkt në kutinë hyrëse të marrësit në formë email-i. E ndërtuar për ta ndihmuar stafin të punojë në mënyrë më elastike, qoftë kur është duke udhëtuar ose nga një tryezë në një zyrë tjetër, zgjidhja e dokumenteve përfshiu gjithashtu një sistem të sigurt identifikimi dhe nxjerrjeje të punëve për të rritur sigurinë e informacionit.
"Canon na sfidoi të shikonim përtej kufijve të zakonshëm të industrisë ku operojmë dhe t'i bënim vetes pyetjet e vështira se çfarë donim të arrinim si biznes. Së bashku kemi qenë në gjendje të bëjmë gjëra që asnjë firmë ligjore tjetër nuk ka qenë në gjendje të arrijë."
Përfitimet
Ndoshta ndikimi më i madh i transformimit digjital të kompanisë është ndier nga punonjësit e DWF të cilët tani kanë mjetet për të punuar në mënyrë të efektshme pavarësisht se ku po punojnë. Kjo e dallon kompaninë nga konkurrentët e saj për sa i përket shërbimit që mund të ofrojë për klientin, siç shpjegon Moores: "Duke autorizuar përdoruesit tanë të kenë akses në informacione dhe procese biznesi thelbësore kudo që të jenë, po inkurajojmë më shumë rendimente dhe një frymë të të bërit më shumë për klientët tanë."
Më afër shtëpisë, hapësira e zyrës së DWF tani është një ambient më bashkëpunues meqenëse infrastruktura e re e printimit u jep mundësi klientëve të punojnë nga larg dhe të printojnë nga zyrat e DWF. Moores komenton: "Faksi që klientët tanë janë në gjendje të vijnë në cilëndo prej zyrave tona dhe të operojnë sikur të ishte e tyrja është diçka që pothuajse asnjë firmë tjetër ligjore nuk mund ta ofrojë."
Dobitë e dhomës postare digjitale të Canon kanë qenë po ashtu impresionuese. Përveç se na lejon që informacioni të rrjedhë më lirshëm në biznes, DWF parashikon që zgjidhja do të sjellë një kthim të investimit brenda dy vjetësh dhe kursime të vazhdueshme prej deri në 1 milion £ në vit.
Me dokumentet e ruajtura, arkivuara dhe siguruara në mënyrë digjitale, mënyra se si njerëzit kërkojnë dhe arkivojnë informacionin është transformuar gjithashtu komplet. Punonjësit mund të punojnë tani më shpejt dhe në mënyrë më të efektshme dhe pakësimi i nevojës për dokumente në letër ka çuar në kursime të mëdha në hapësira zyre, me zbritje të kostove të ruajtjes deri në 50%.
Sidoqoftë, inovacioni nuk vjen me koston e sigurisë, me gjithë suitën e zgjidhjes të certifikuar sipas standardit ndërkombëtar më të rreptë në menaxhimin e sigurisë së informacionit, ISO 27001. Duke mbështetur ndjekjen dhe raportimin e objektivave mjedisorë, ndihmon madje në uljen e emetimeve të karbonit nga DWF dhe siguron akreditimin e përgjithshëm ISO 14001 të kompanisë.
Kjo mënyrë po funksionon qartë: në 2014-ën, The Financial Times e njohu firmën si një nga më novatoret në të gjithë Evropën. Siç përfundon Moores:
"Çdo vendim dhe zgjidhje na ka ndihmuar të përmirësojmë shërbimin që ofrojmë për klientët tanë, mënyrën si punon stafi ynë dhe të sigurojmë një mjedis që tërheq talentin më të mirë. Canon na ka ndihmuar të krijojmë një zyrë të përbashkët, plotësisht funksionale në 13 zyra. Jemi në gjendje të fokusohemi në ofrimin e konsulencave ligjore më të mira të mundshme dhe jemi të sigurt se biznesi ynë është në duart e ekspertëve."